آزیق-آوقات و دارو ملی اداره‌سی مسئوللری، بوگون (شنبه، ۱۴-اسد)، دولت نینگ ملت گه حساب بیریش برنامه‌سیده ایتیشلریچه، حاضر ایسه افغانستان، ساغلیق محصول‌لر و دارو ایشلب چیقریش بولیمی‌ده ۵۸ فعال ایشخانه گه ایگه بولگنی بیلن، دارو خصوصیده یشاوچیلر نینگ نیازلریدن ۱۵-۲۰ فایزی نی تامین قیلهدی.
اوشبو برنامه‌ده آزیق-آوقات و دارو ملی اداره سرپرستی عبدالباری عمر نینگ ایتیشیچه، مذکور اداره اوتگن بیر ییل‌ده، دارو ایشلب چیقرووچی ۱۰ ایشخانه شامل، ایکی مینگ‌دن آرتیق دارو مرکزی گه فعالیت اجازه‌سی نی بیرگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مملکتده ساغلیق محصول‌لر و دارو نی تولید قیله‌دیگن ۵۸ ایشخانه فعال دیر و قریب ۵۳۰-۵۵۰ طبی جهازلر نی تولید قیلهدی. ۱۵-۲۰ فایز بازار نینگ نیازلری نی تامین قیله‌دیلر.»
آزیق-آوقات و دارو ملی اداره سرپرستی نینگ اورغولشیچه، شونینگدیک جاری ییل‌ده، قریب تورت مینگ دارو فعالیتی و مرکز گه، فعالیت اوچون رخصت بیریلیشی گه قرار آلینگن.
باشقه بیر تامان‌دن، آزیق-آوقات و دارو ملی اداره‌سی نینگ تیکشیریش بولیمی رئیسی سیدمومند فدایی نینگ ایتیشیچه، اوشبو اداره اوتگن ییل، بوتون افغانستان دن قریب ۳۰۰ تُن کیفیت‌سیز دارو نی توپلب و اورته‌دن کیتگزگن دیر.
آزیق-آوقات و دارو ملی اداره‌سی نینگ معلوماتی اساسیده، اوتگن ییل‌ده افغانستان ایچیده، ۵۵۰ دارو تولید و ۷۶۸ میلیون دالر‌لیک قریب ۲۲ مینگ دارو، باشقه مملکت‌لردن وارد بولگن دیر.
بیزلرنینگ توییترده هم تعقیب قیلینگ!
ایتیش کیره‌ک که، حاضرگچه افغانستان نینگ ۳۰ فایز وارداتی داروسی، ناقانونی شکلده مملکت گه وارد بوله‌دی.
