افغانستان دهگی خوفسیزلیک و اقتصادی قیینچیلیک باعث، میلیونلرچه کیشی عایله اعضالری نینگ نفقهسینی تأمینلش اوچون مملکت نی ترک ایتیش گه مجبور بولگنلر.
چیت ایل مملکتلر اینیقسه ایران و پاکستان ده افغانستان قاچقینچیلری نینگ وضعیتی یامانلیگی سبب، ینگیلیکده بیرلشگن ملتلر تشکیلاتی نینگ قاچقینچیلر ایشلری بوییچه عالی کمیشنری، ایران، پاکستان، تاجیکستان، تورکمنستان و اوزبیکستان ده افغان قاچقینچیلری نینگ قیینچیلیکلری حلی اوچون کوپراق پول یاردم بیریلیشینی طلب قیلگن.
مطبوعاتی ییغیلیش ده اشتراک ایتگن بیرلشگن ملتلر تشکیلاتی نینگ قاچقینچیلر ایشلری بوییچه عالی کمیشنری سوزلاوچیسی شیبا منتو، افغانستان نینگ بحرانلی وضعیتی گه اشاره قیلیب ایتیشیچه، مهاجرلر قوللب_قوتلهنیشلری کیرهک.
بیزلرنینگ فیسبوک صحیفهمیزگه باش اورینگ!
ایران ده افغانستان قاچقینچیلریدن عادلبیک، اوشبو مملکت ده مهاجرلر نینگ وضعیتی خصوصیده ایتیشیچه: «ایران گه مهاجر بولیب کیلگنیمدن ایکی ییل اوتماقده، اوشبو مدت ایچیده افغانستان قاچقینچیلری نینگ وضعیتی خواطرلی دیر و کونسهیین قیینچیلیکلر کوپهیماقده، نیچه مراتبه خلقارا تشکیلاتلری تامانیدن وعده بیریلدی بیراق حاضرگچه هیچ اقدام بولگنی یوق.»
ایران ده افغان قاچقینچیلریدن باشقه بیری محمد گه کوره: «بیرلشگن ملتلر تشکیلاتی نینگ یاردملری ایران حکومتی تامانیدن طی مراحل بولهدی، وضعیت اوزگریشی اوچون هیچ تأثیری یوق.»
ایران و پاکستان، کوپ سانده افغان قاچقینچیلرینی قبول قیلگن ایکی مملکت دیر که هردایم اوشبو ایکی مملکت ده، افغان قاچقینچیلری برابریده زوروانلیک واقعهلری ثبت ایتیلگن.
اقتصادی قیینچیلیک، قانونی حجتسیزلیک، قنسولگرلیک خذمتلردن فایدهلنه آلمسلیک و افغان قاچقینچیلری برابریده ایران و پاکستان نینگ یامان مناسبتی سبب، مهاجرلر ایریم قیینچیلیکلر بیلن دوچ بولگنلر.
بیزلرنینگ توییترده هم تعقیب قیلینگ!
پاکستان ده افغان قاچقینچیلری دن میرویس زازی نینگ ایتیشیچه: «اقتصادی قیینچیلیک و قنسولگرلیک خذمتلردن فایدهلنه آلمسلیک کوپ قیینچیلیکلر گه سب بولگن و حتا کسل بولگن حاللریده هم دارو پولینی تاپیشه آلمهیدی.»
ینگیلیکده، انسان حقلرینی کوزهتووچی تشکیلاتی گه کوره، ۲۴۰۰ افغانستانلیک مهاجر بیرلشگن عرب امیرلیگی حکومتی تامانیدن ابوظبی انسان پرورلیک مرکزی ده فاجعهلی شکلده سقلهنیب کیلماقدهلر.