اسلام امیرلیگی سرپرست حکومتی حج و اوقاف وزیرلیگی نینگ اعلام قیلیشیچه، افغانستان دن سعودی عربستان گه حاجی‌لر نینگ انتقال بیریش پروسه‌سی یکونلنگن.
مذکور وزیرلیک شنبه‌کیچه ۱۹-جوزا، اوز اکس صحیفه‌سیده یازیشیچه، اوشبو حاجی‌لر کابل، بلخ، هرات و قندهار دن کام‌ایر و آریانا افغان هوا یولی شرکتلری آرقه‌لی سعودی عربستان گه انتقال بیریلگنلر.
بیزلرنینگ «ایکس» ترماغی ده هم تعقیب قیلینگ!
حج و اوقاف وزیرلیگی نینگ ایتیشیچه، بو ییل ۳۰ مینگ حاجی ۹۴ اوچیش‌ده افغانستان دن سعودی عربستان گه کیتگن.
اوشبو وزیرلیک نینگ بیاناتی اساسیده، سعودی عربستان مقصد حاجی‌لر نینگ آلیب کیته‌دیگن سونگی اوچاق، خلق‌ارا قندهار هوا قونالغه‌سیدن اوچگن دیر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اسلام امیرلیگی رسمی‌لریدن بیر قطاری جمله‌دن ایچکی ایشلر وزیرلیگی سرپرستی سراج‌الدین حقانی، سرپرست حکومت باش وزیری نینگ سیاسی اورین باسری محمد عبدالکبیر، استخبارات عمومی باشلیغی عبدالحق وثیق و حج و اوقاف وزیرلیگی سرپرستی نورمحمد ثاقب، بو ییل حج مراسمی گه شرکت قیلیش اوچون سعودی عربستان گه کیتگنلر.
