گرچند افغانستان ده قشاقلیک و اقتصادی قیینچیلیکلر مخصوص مناسبتلرنی نشانلشگه سایه بولیب، اولرنی کمرنگ قیلگن بولسهده؛ بیراق یاشلردن قطاری آز امکانیت بیلن هییت بیرمینینگ اوزلری و عایلهلریگه یخشی بیر خاطره قالیشی اوچون حرکت قیلماقدهلر.
مذکور گزارشده ۲۷ ییگیت و قیز بیلن صحبت اوتکزیلگن که اولردن، ۲۵ تهسی گه کوره، آز امکانیت بیلن هییت بیرمی اوچون ینگی کییم، تورلیخیل میوه و باشه بیر قطار نرسه تیار قیلگنلر. اوشبو یاشلرنینگ کوپهیتیریشلریچه، هییت بیرمی، سنتلر گه حرمت قایل بولیش اوچون بیر فرصت دیر و یخشی کونلرنینگ نشانلنیشی کیرهک.
کابل یشاوچیسی بولمیش ۲۷ یاشر فیصلنینگ ایتیشیچه، هییت کونلرینی عایله بویوکلری و دوستلرینی کوریشگه اختصاص بیرهدی. اونینگ کوپهیتیریشیچه: «باشقه کونلرده اولرنی کوره آلمهیمن؛ باریب کیلیش بولمسه انساننی اوزاقلشتیرهدی. هییت کونلرینی خوشلیک بیلن نشانلشگه سعیوحرکت قیلهمن.»
بیزلرنینگ فیسبوک صحیفهمیزگه باش اورینگ!
۲۲ یاشر شمایلنینگ ایتیشیچه، عایله اقتصادی وضعیتی هییت بیرمی کونلرینی نشانلشی توغریسیده تاثیر قویگن. «هییت بیرمینی نشانلش اوچون یخشی مالی شرایطگه ایگه بولیشنینگ تاثیری بار؛ یخشی مالی شرایطگه ایگه بولمهگن کیشیلر، هییت اوچون کییم و میوه ساتیب آلالمهیدیلر و بو اولرنینگ ناراحت بولیشیگه سبب بولهدی.»
صحبت قیلگنلردن باشقه بیرقطارینینگ ایتیشلریچه، اقتصادی قیینچیلیکلر و اولرنینگ یوریشی توغریسیده یرهتیلگن چیکلاولر سبب، کون اوتیشی بیلن هییت بیرمینی نشانلشدن قیزیقیش اورتهدن کیتهدی.
هییت بیرمی کونلریده مهمانلرنی کوتیب آلیش اوچون اویینی تیار قیلهدیگن پرنیاننینگ ایتیشیچه: «دم آلیش جایلرگه باره آلمهیمیز؛ اوتگن ییللرده دوستلریمیز بیلن تشقریگه کیتهر ایدیک؛ بو ییل عایلهم گه ایتدیم که باشقه ولایتگه چکر بارهیلیک دیب؛ بیراق بولمهدی؛ چونکه بو بولیمده قیینچیلیک بار.»
بو گزارشده صحبت قیلگن سمیعاللهنینگ ایتیشیچه، نامزد دیر و اقتصادی قیینچیلیکلر سبب حاضرگچه نامزدیگه هییتلیک آلیب باره آلمهگن. اونینگ کوپهیتیریشیچه: «اقتصادی وضعیتیم اصلا یخشی ایمس. نیمه قیلهی دیب حیرانمین. بیران نرسه آلیب باره آلمسهم نیمه قیلهی. بو قیینچیلیکلر هییت بیرمی کیلیشی خوشلیگینی اورتهدن کیتگزهدی. بولمسه هییت بیرمی کیلگنیده خوش بولیش کیرهک.»
اقتصادی مسئلهلر بیلرمانلریدن قطارینینگ ایتیشلریچه، مخصوص کونلرنی نشانلشده یشاوچیلرنینگ کوپینچه صرف و خرهجت قیلیشی، اولرنینگ اقتصادی امکانیتینی کمهیتیریشی ممکن.
بیزلرنینگ «ایکس» ترماغی ده هم تعقیب قیلینگ!
اقتصادی مسئلهلر بیلرمانی قیس محمدینینگ ایتیشیچه: «ساتیب آلیش توغریسیده اهالی امانیتی کمهیگنیده، عایلهلر اضافه مصرفلرینی کمهیتیریشگه مجبور بولهدی. انهشوو سبب اوتگن ییللرده رواج بولگن هییتدهگی عنعنهلر، حاضر کمهیگن.»
جمعیتشناسلردن راشد صدیقینینگ ایتیشیچه، هییت بیرمی کونلرینی نشانلش یشاوچیلرنینگ اجتماعی یاندهشوویگه ایجابی تاثیر قویه آلهدی. اونینگ کوپهیتیریشیچه: «هییت یشاوچیلر یورهگیده بیر امیدنی یرهته آلهدی و حتا امکانیت آز بولسه؛ انه شوو اوینی تیارلش یا-ده عایله همده دوستلرنی کوریش اوچون برنامه توزهتیش اوزی بیر تغییرنی یرهتیب و اهالینی حیات قیینچیلیکلریدن اوزاق قیلهدی.»
افغانستان اهالیسی هر ییلی هییت بیرمینی خورسندلیک بیلن کوتیب آلهدیلر؛ لیکن سونگی ییللرده یشاوچیلرنینگ اقتصادی امکانیتی کمهیگنی سبب، هییت بیرمینی نشانلش کمرنگ بولگن.
