جمهوریت کسلخانه‌سی، افغانستان ده بویرهک کسل‌لیگیگه چلینگنلرنی درمانلش بویوک مرکز سنله‌دی. اوشبو کسلخانه نینگ نفرولوژی و هیمودیالیز بولیم مسئوللری نینگ ایتیشلریچه، افغانستان ده اوتگن ییل گه نسبتن بویرهک کسل‌لیگیگه چلینگنلر نینگ مراجعتی کوپه‌یگن.
جمهوریت کسلخانه‌سی هیمودیالیز بولیم مسئولی هارون هاجر گه کوره، هر کونی اوشبو مرکز نینگ هیمودیالیز بولیمیده باله‌لر شامل ۸۰ بیمار مراجعت قیله‌دی.
جمهوریت کسلخانه‌سی هیمودیالیز بولیم مسئولی نینگ ایتیشیچه: «کوپ سانده یاش‌لری کتته بیمارلر، بیر هفته ایچیده ۳ جلسه دیالیز بولیشه‌دی هر جلسه ۴ ساعت دوام تاپه‌دی، دیالیز گه نیازی بولمه‌گن بیمارلر رخصت بوله‌دی و بویرهک کسل‌لیگیدن اذیت چیکه‌یاتگن کسل‌لر اوشبو مرکز نینگ نفرولوژی بولیمیده یاتقیزیله‌دی، بیراق بو مرکز ده بویرهک پیوندی بولمه‌یدی.»
جمهوریت کسلخانه‌سی نفرولوژی بولیمیده، ۱۶ کسل بستری دیر، اولر نینگ ۵۰ فایزی بویرهک پیوند قیلیش گه نیازمندلر.
بیزلرنینگ فیسبوک صحیفه‌میزگه باش اورینگ!
مذکور کسلخانه نینگ نفرولوژی بولیمی مسئولی میرویس اکبری شفاکار، ایشلاوچی و باشقه طبی امکانیت آزلیگینی، اوشبو کسل‌لرنی درمانلش اونگیده‌گی قیینچیلیکلردن عنوان قیله‌دی.
او نینگ کوپه‌یتیریشیچه: «قیینچیلیک کوپ جهازلنگن آی‌سی‌یو گه نیازمندمیز، بو بولیم ده ایکی شفاکار ایشله‌یدی شونی اوچون ایچکی بولیم دن تورت شفاکار بیز بیلن همکارلیک قیلیشه‌دی. بار امکانیتیمیزدن بیمارلر قوللنه‌دیلر، قریب ۹۰ فایز بیمارلر نینگ دواسی کسلخانه تامانیدن تأمینلنه‌دی و قالگنینی بیمارلر اوزی ساتیب آلیشی کیره‌ک.»
باشقه تاماندن، جمهوریت کسلخانه‌سیده دوالنه‌یاتگن کسل‌لر، دیالیز موادینی ساتیب آلیش توان‌لری یوق‌لیگینی ایته‌دیلر.
پروان یشاوچیسی امان‌جان، بویره‌گی ده‌گی قیینچیلیک باعث هفته ده ایکی کون اوشبو کسلخانه ده دیالیز بوله‌دی ایتیشیچه، دیالیز پولینی توللش توانی یوق دیر.
اونینگ ایتیشیچه: «بیش کون کما ده ایدیم نیچه کون آلدین بویره‌گیم نی پیوند قیلیش اوچون هرات بارگندیم، بیراق بویرهک مینگه ماس کیلمه‌دی شونی اوچون قیتیب کیلدیم بو ییرده هفته ایچیده ایکی مراتبه دیالیز بوله‌من، مذکور کسلخانه ده هر جلسه ده قریب اوچ مینگ افغانی مصرف بوله‌دی.»
بویرهک ییتیشماوچیلیک کسل‌لیگیگه چلینگن خوردآغا گه کوره، مذکور مرکز ده دیالیز موادی یوق‌لیگی باعث، اوشبو کسل‌لیککه چلینگنلرنی قیینچیلیک بیلن روپه‌ره قیلگن.
او نینگ کوپه‌یتیریشیچه: «۲۰ کوندن بویان شو ییرده من بیمارلر نینگ قیینچیلیگی کوپ، دیالیز موادی یوق یشاوچیلر نینگ بیکارلیگی باعث اولر پولینی توللـه‌ی آلمه‌یدیلر، دولت دیالیز موادینی تأمینلشی لازم، اگر دولت تامانیدن تیارلنمه‌گن تقدیرده یشاوچیلر قرض آلیب اوزلرینی دوالش گه مجبور بوله‌دیلر.»
عین‌حالده، ساغلیق‌نی سقلش وزیرلیگی سوزلاوچیسی شرافت زمان، مملکت ده بویرهک کسل‌لیگیگه چلینگنلر سانی کوپه‌یشینی تصدیقلب ایتیشیچه، بویرهک کسل‌لیگیگه چلینگنلر قیینچیلیگینی حل قیلیش مقصدیده سعی‌وحرکت قیلماقده.
شرافت زمان گه کوره: «بیز هیمودیالیز مرکزلرینی هلمند، زابل و تخار کبی ولایت‌لرده ایجاد ایتگن‌میز، بیراق برچه ولایت‌لرده هیمودیالیز مرکزلری یوق، چونکه مملکت نینگ بعضی منطقه‌لری اوتگن ۲۰ ییل ده قصدی روشده طبی خذمت‌لردن اوزاق قالدیریلگن، بویرهک کسل‌لیگیدن اذیت چیکه‌یاتگنلر اوز ولایت‌لری ده دوالنیشینی ایسته‌یمیز.»
بیزلرنینگ توییترده هم تعقیب قیلینگ!
شفاکارلر، قان باسیمی یوقاری‌لیگی، شکر کسل‌لیگی، اوز باشیمچه‌لیک روشده انتی بیوتیک استعمال قیلیش‌نی بویرهک کسل‌لیگیگه چلینیش عامل‌لریدن عنوان قیله‌دی.
جمهوریت کسلخانه‌سیده هیمودیالیز بولیمی شفاکاری صلاح‌الدین اوریاخیل نینگ ایتیشیچه: «هیمودیالیز نینگ اوزی ده بعضی اختلاتی بار که بیمار نینگ اولیمی گه سبب بوله‌دی.»
ایتیش کیره‌ک که، جمهوریت کسلخانه‌سی هیمودیالیز بولیمی ده ۲۶ دیالیز دستگاه‌سی موجود، اوشبو بولیم مسئوللری نینگ ایتیشلریچه، بویرهک کسل‌لیگیگه چلینگنلر سانی گه قره‌گنده ییترلی ایمس دیر.
