اسلام امیرلیگی ترانسپورت و هوا یوللری وزیرلیگی مسئوللری نینگ ایتیشلریچه، افغانستان و پاکستان ایکی مملکت آره‌سیده یوک تاشووچی موترلر نینگ باریش-کیلیشی اوچون قوشمه بیر مکانیزم خصوصیده کیلیشگنلر.
ترانسپورت و هوا یوللری وزیرلیگی سوزلاوچیسی امام‌الدین احمدی نینگ سلام‌‌وطندار گه ایتیشیچه، افغانستان و پاکستان بیر-بیری نینگ یوک تاشووچی موترلری هیداوچیلری گه وقتینچه‌لیک باریش-کیلیش حجتلرینی صادر قیلیش اوچون وقتینچه‌لیک شکلده کیلیشگنلر.
بیزلرنینگ فیسبوک صحیفه‌میزگه باش اورینگ!
احمدی نینگ کوپه‌یتیریشیچه: «مذکور حجت افغانستان‌لیک‌لر گه کابل ده پاکستان ایلچی‌خانه‌سیده و قندهار ده اوشبو مملکت قونسلگرلیگی‌ده ترقه‌تیله‌دی و پاکستان‌لیک‌لر اوچون ایسه بو حجت پیشاور و کویته ده افغانستان ترانسپورتی اتشه اداره‌سیده ترقه‌تیله‌دی و یوک تاشووچی موترلر هیداوچیلریدن ۱۲-جوزا گه قدر بو وزیرلیک‌ده نیازلری بولگن حجتلری نینگ مرحله‌لرینی بیتیرسینلر.»
سرپرست حکومت ترانسپورت و هوا یوللری وزیرلیگی مسئوللری نینگ آگاه‌لنتیریشیچه، ۱۲-جوزا دن کیین یوک تاشووچی موترلر هیداوچیلری مذکور ایکی مملکت گه ینگی حجتلری بولمه‌سدن باریب-کیله آلمه‌یدیلر.
باشقه بیر تاماندن، کابل ده افغانستان و پاکستان سوداگرلیک قوشمه اتاقی مسئوللری نینگ ایتیشلریچه، یوک تاشووچی موترلر هیداوچیلری اوچون وقتینچه‌لیک حجت صادر بولیشی، ایکی مملکت آره‌سیده سوداگرلیک توارلر نینگ تاشیش جریانیده آسایشته‌لیک یره‌تیلیشی گه سبب بوله‌دی.
پاکستان و افغانستان قوشمه اتاقی مسئولی نقیب‌الله صافی نینگ ایتیشیچه، اوشبو ینگی مکانیزم نینگ تطبیق بولیشی، ایکی تامانلمه سوداگرلیک رواجلنیشی گه سبب بولیشی ممکن.
اونینگ کوپه‌یتیریشیچه: «فکرمیزچه پاکستان بیلن بولگن سوداگرلیک پروسه‌ده ترانسپورتی قیین‌چیلیکلریمیز کوپ و تایر تطبیق بولگنی‌ده کوپینچه قیین‌چیلیگیمیز نینگ حل بولیشی ممکن. ایکی تامانلمه سوداگرلیک رواجلنیشی اوچون کوپ یخشی دیر و یوک تاشووچی موترلر هیداوچیلریدن بو حجت نینگ آلیشلرینی ایسته‌یمیز.»
شونده‌ی بیرحالده، افغانستان سوداگرلیک و سرمایه یاتقیزووچی اتاقی مسئوللری، مذکور وقتینچه‌لیک کیلیشوو نینگ امضالنیشی‌دن خورسند‌لیک قیلیب و ایتیشلریچه، بو مکانیزم افغانستان و پاکستان آره‌سیده سوداگرلیک توارلر تاشووچی موترلر نینگ قانونی شکلده اوتیب-قیتیشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
افغانستان سوداگرلیک و سرمایه یاتقیزووچی اتاق اورین‌باسری خیرالدین مایل نینگ ایتیشیچه: «بو ایش گه خورسند‌میز که موترلر ناقانونی شکلده قوشنی مملکت‌لر گه بارمه‌ی و وقتینچه‌لیک اجازه نامه قولگه کیلتیریش بیلن باریب-کیله‌دی و شو رقم چیگره‌ده هم قیین‌چیلیگیمیز بولمسه.»
ایتیش کیره‌ک که، اوتگن قویاش ییل پاکستان‌لیک چیگره‌چیلر نیچه مرته پاسپورت و ویزه‌سیزلیک سبب، تورخم چیگره‌سی نی افغانستان نینگ یوک تاشووچی موترلری هیداوچیلری یوزیگه یاپگن.