اسلام امیرلیگی تشقی ایشلر وزیرلیگی اکس صحیفهسیده بیر بیانیه ترقهتیش بیلن یازیشیچه، اوتگن کونی افغانستان و پاکستان آرهسیده اوتکزیلگن قوشمه هماهنگلیک کمیته ییغیلیشیده، ایکی تامان نزاعلر و قیینچیلیکلرنینگ مذاکره آرقهلی حل قیلینیشیگه کیلیشیب و جنجل یرهتهدیگن موضوعلر آلدی آلینیشیگه تاکید قیلگنلر.
اوشبو وزیرلیک سوزلاوچیسی اورینباسری ضیااحمد تکلنینگ ایتیشیچه، پاکستان هیئتی فایدهلی ییچیم یوللرنی یرهتیش و ایکی مملکت اورتهسیدهگی قیینچیلیکلرنی حل قیلیش اوچون بو کبی ییغیلیشلرنینگ ایجابی و فایدهلی دیگن.
جناب تکلنینگ کوپهیتیریشیچه: «حرمتلی امیرخان متقینینگ اورغولشیچه، ایکی مملکت اوز آرهلریدهگی مسئلهلرنی ایشانچ فضائی و صحبت قیلیش آرقهلی حل قیلیشی و شونینگدیک اهالینینگ اذیت بولیشیگه سبب بولهدیگن هر قندهی اقدامدن وازکیچیریشلری کیرهک. شونینگدیک پاکستان هیئت رهبری هم ایکی مملکتنینگ چقور علاقهلرگه ایگه بولگنینی بیان قیلیب ایتگن که اورته گه کیلگن قیینچیلیکنینگ قندهی حل بولینیشی تیکشیریلیشی کیرهک.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، افغانستان اوچون پاکستان مخصوص وکیلی محمد صادق، ایکی مملکت آرهسیدهگی قوشمه هماهنگلیک کمیته ییغیلیشی یکونیده اوز اکس صحیفهسیده یازیشیچه، بو کبی میکانیزملر آرقهلی پایدار و منظم تعامل، ایکی تامان علاقهلریده قرشیلیک درک قیلینیشنینگ کوچلنتیریلیشی و جنجللر کمهیشی اوچون نیاز دیر.
شونینگدیک، محمد صادق اینگ یقینده پاکستان تشقی ایشلر وزیرینینگ کابل گه سفر قیلیشینی بیان قیلگن.
شوندهی بیرحالده، سیاسی و خلقارا ایش بیلرمانلر، افغانستان و پاکستان آرهسیدهگی جنجللر توغریسیده کیلیشوو و صحبت قیلینیشنینگ فایدهلی دیگنلری بیرحالده، بیراق ایتیشلریچه، پاکستان بیلن بولگن اوتگن تجربهلر اساسیده، اوشبو مملکت افغانستان بیلن توافقلریگه توختهمهیدی.
سیاسی ایش بیلرمانلردن خلیلاحمد نادم گه کوره: «پاکستان هیچ قچان افغانستان گه قرشی یخشی نیتی یوق ایدی. انه شوو سبب فکرمچه بو مملکت کیلیشوو آرقهلی بیران تفاهم گه یتیشمهیمیز، چونکه بوندن آلدین هم تورلی ساحهلرده کیلیشدیک، بیراق کورگنیمیز کبی ترانزیت بولیمیده قنچه ظلم قیلدیلر و قاچقینلرنی جبری شکلده چیقردیلر. بو افغانستان اهالی توغریسیده باسیم دیر.»
سیاسی ایش بیلرمانلردن باشقه بیری کامران اماننینگ ایتیشیچه: «مسئلهلرنینگ کیلیشوو یولی آرقهلی حل بولیشی کیرهک. لیکن پاکستان هیچ قچان کیلیشوولری و صحبتلریگه توختهمهگن، چونکه مذکور مملکتده نیچه حکومت بار و هیچ بیرینینگ اوز آرهلریده هماهنگی یوق، ایچکی و تشقی سیاستلرینی قولدن بیرگنلر.»
بیزلرنینگ فیسبوک صحیفهمیزگه باش اورینگ!
پاکستان تامانیدن بو ییغیلیشنی رهبریت قیلهدیگن افغانستان اوچون پاکستان مخصوص وکیلی محمد صادق، اوتگن کون ایکی مملکت آرهسیدهگی ۱۷-قوشمه هماهنگلیک کمیته ییغیلیشیگه شرکت قیلیش مقصد، کابل گه کیلگن.
بو بیلن بیرگه، اوتگن کون اسلام امیرلیگی صناعت و سودا وزیرلیگی بیر هیئت، اوشبو وزیرلیک سرپرستی نورالدین عزیزی باشچیلیگیده پاکستان گه کیتگن.
مذکور وزیرلیک بیر بیانیه آرقهلی ایتیشیچه، جناب عزیزی پاکستان گه قیلگن سفریده بو مملکتدهگی افغانستانلیک قاچقینلر و سوداگرلردن قطاری بیلن اوچرهشیب و اولرگه افغانستان ده اولر اوچون حیات کیچیریش وضعیتی یخشیلنیشی اوچون برچه اقداملر قولگه آلینگنیدن ایشانچ بیرگن.
