ننگرهار سودا و سرمایه یاتقیزیش اتاقی اجرائیه باشلیغی شاکرالله صافی‌نینگ ایتیشیچه، تورخم بندری آچیلیشی اوچون افغانستان و پاکستان سوداگرلری آره‌سیده ایکینچی مرته ییغیلیش اوتکزیلیشی ممکن.
تورخم بندری آچیلیشی توغریسیده‌‌گی ایکینچی ییغیلیش، بوگون (۲۷-حوت، دوشنبه)، دیورند چیزیغی بو تامانیده، تورخم شهرچه‌سیده اوتکزیله‌دی.
بیزلرنینگ «ایکس» ترماغی ده هم تعقیب قیلینگ!
ننگرهار سودا و سرمایه یاتقیزیش اتاقی اجرائیه باشلیغی‌نینگ کوپه‌یتیریشیچه، اوشبو ییغیلیش افغانستان سودا و سرمایه یاتقیزیش اتاقی آرقه‌لی اوتکزیلیب و بو ییغیلیش‌ده افغانستان تامانیدن ۲۷ سوداگر و پاکستان تامانیدن ایسه ۳۷ سوداگر و قوم بویوکی شرکت قیله‌دی.
نیچه کون آلدین هم تورخم ایشیگی آچیلیشی اوچون پاکستان و افغانستان آره‌سیده بیرینچی ییغیلیش اوتکزیلیب و نتیجه‌سیز شکلده یکونلنگنی و شونینگدیک ایکینچی ییغیلیش اوتکزیلیشی هم بیکار قیلینگنی اعلام بولگنی بیرحالده، ایکی تامان آره‌سیده بو ییغیلیش اوتکزیله‌دی.
افغانستان و پاکستان آره‌‌سیده‌گی اوتیب-قیتیش و تجارت اوچون اونملی یوللردن بولمیش تورخم قتناو یولی‌نینگ یاپیق قالگنی‌دن بوگون ۲۵ کون بولگن.
بیزلرنینگ فیسبوک صحیفه‌میزگه باش اورینگ!
بوندن آلدین اسلام امیرلیگی سوزلاوچیسی ذبیح‌الله مجاهد، تورخم قتناو یولی آچیلیشی توغریسیده مذاکره‌لر‌نینگ دوام قیله‌یاتگنی، بیراق پاکستان بو قتناو یول‌نینگ آچیلیشی‌گه حاضر ایمسلیگی‌نی بیان قیلگن. اونینگ ایتیشیچه: «تورخم قتناو یولی آچیلیشی اوچون سعی‌وحرکت بولگن؛ لیکن پاکستان تامان اوشبو ایشیک‌نی آچیش‌گه حاضر بولمه‌گن. بو توغریده حاضرگچه مذاکره‌لر‌نینگ دوامی بار.»
تورخم قتناو یولی پاکستان و اسلام امیرلیگی آره‌سیده یوز بیرگن چیگره توقنشوولر نتیجه‌سیده ۳-حوت یاپیلگن. بوندن آلدین پاکستان تشقی ایشلر وزیرلیگی، چیگره‌ده اسلام امیرلیگی تامانیدن تاسیسات قوریلیشی توخته‌تیلمه‌گنی‌گه قدر، بو قتناو یول‌نینگ آچیلمسلیگی‌نی بیان قیلگن ایدی.
