افغان قیزیل آی جمعیتی مسئوللری نینگ ایتیشلریچه، اوشبو ییل ده مملکت بویلب توغمه یوره‌ک کسل‌لیگیگه (سوراخ‌قلب) چلینگن قریب ۷۰۰ باله درمانلنگن یا ده درمانلنماقده دیر.
درمان اوچون امکانیت‌سیزلیک و اقتصادی قیینچیلیک، هردایم اولکه ده توغمه یوره‌ک کسل‌لیگیگه چلینگن باله‌لر درمانی اونگیده قیینچیلیک‌لردن سنله‌دی.
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه: «اوشبو ییل ۷۰۷ کیشی نی ایچکی کسلخانه‌لر گه تانیشتیردیک، اولردن ۹ کیشی پاکستان گه یوباریلگن و قالگنینی کابل ده‌گی ۶ کسلخانه گه یوباردیک، اسلامی همکارلیکلر تشکیلاتی باله‌لرنی درمانلش اوچون یاردم بیریش وعده‌سینی بیرگن.»
ایکی یریم ییل دن بویان، باله‌سی توغمه یوره‌ک کسل‌لیگیگه چلینگن کابل یشاوچیسی نسرین گه کوره: «کوپ سنچیق بولیب و سوت ایچمر ایدی صحت طفل کسلخانه‌سیگه مراجعت قیلدیک، توغمه یوره‌ک کسل‌لیگیگه چلینگن ایکن و بیزنی سره میاشت گه معرفی قیلدی.»
عین‌حالده، شفاکارلر هوا افلاس‌له‌نیشی، حامله‌لیک وقتیده آنه‌لر نینگ توییب آوقات‌لنمسلیگی و عایله‌وی تورموش قوریشنی، باله‌لر نینگ توغمه یوره‌ک کسل‌لیگیگه چلینیش عامل‌لریدن عنوان قیله‌دیلر.
بیزلرنینگ توییترده هم تعقیب قیلینگ!
باختر کسلخانه‌سیده عمومی ایچکی بولیم شفاکاری عبدالحق قاضی‌زاده نینگ ایتیشیچه: «توغمه یوره‌ک کسل‌لیگی حامله‌لیک وقتیده ناقانونی دارولردن قوللـه‌نیش، عایله‌وی تورموش قوریش، حامله‌لیک چاغیده آنه‌لر نینگ کم قان‌لیگی و توییب آوقات‌لنمسلیگی کبی، ایریم سبب‌لردن تاپیله‌دی.»
اوتگن کون قطرده افغانستان اوچون بریتانیا ایلچیخانه‌سی سرپرستی بیلن اوچره‌شگن افغان قیزیل آی جمعیتی سرپرستی مطیع‌الحق خالص، افغانستان ده توغمه یوره‌ک کسل‌لیگیگه چلینگن باله‌لرنی درمانلش اوچون، کوپ خرجت نیاز دیگن.
