افغانستان مرکزی بانکی‌نینگ اعلام قیلیشیچه، اوشبو بانک سرپرستی نوراحمد آغا و همراه هیئتی، خلق‌ارا «مالی ایشلری بوییچه سایبری امنیتی» کنفرانسی‌گه شرکت قیلیش مقصد، روسیه‌نینگ «یکاترینبورگ» شهری‌گه کیتگن.
مذکور بانک، بوگون شام چاغی (۲۹-دلو، دوشنبه)، بیر بیانیه ترقه‌تیش بیلن ایتیشیچه، اوشبو کنفرانس ۱۹دن ۲۱-فبروری‌گچه تورلی مملکت‌لردن مالی بولیمی متخصصلری، تدقیقاتچیلری و مالی سکتوری نماینده‌لری حضوری بیلن اوتکزیله‌دی.
بیزلرنینگ «ایکس» ترماغی ده هم تعقیب قیلینگ!
بو کنفرانس‌دن مقصد، زمانه‌وی بانک تیزیم‌لری‌نینگ مالی خوفسیزلیگی توغریسیده بحث و فکر المشتیریش و سایبری تهدیدلر برابریده فایده‌لی چاره-تدبیرلر دییلگن.
بیانیه‌ده کیلیشیچه: «مذکور کنفرانس‌ده سایبری هجوملری گه قرشی کوره‌ش امکانیتی کوپه‌یشی، دیجیتالی بانکدارلیک امنیتی سقلنیشی و ینگی تکنالوژی‌لر اوچون حفاظتی اساسلرنینگ رواجلنیشی توغریسیده صحبت بولیشی ممکن.»
بیزلرنینگ فیسبوک صحیفه‌میزگه باش اورینگ!
افغانستان مرکزی بانکی‌نینگ ایتیشیچه، بو کنفرانس گه شرکت قیلیش اوشبو بانککه نه فقط سایبری امنیتی بولیمی‌ده ینگی بیلیم نی قولگه کیلتیریش اوچون فایده‌لی بیر فرصت حساب‌لنه‌دی، بلکیم «خلق‌ارا تجربه‌لر و مملکت‌نینگ بانکدارلیک بولیمی‌ده ینگی فکرلردن فایده‌لنیش بیلن کوپراق همکارلیک قیلیش اوچون زمینه یره‌تیلیشی ممکن.»
مرکزی بانک اوشبو کنفرانس آرقه‌لی سایبری امنیت زمینه‌سیده ینگی تجربه‌لر نی قولگه کیتیریب و مملکت‌نینگ بانکدارلیک بولیمی اوچون فایده‌لی امنیتی تدبیرلرنینگ عمل‌گه آشیریلیشی توغریسیده امیدوارلیک بیلدیرگن.
