اسلام امیرلیگی ییگولیک ماده و دارو ملی اداره مسئوللری، بوگون (سه‌شنبه، ۲۳ جوزا) کابل ده مملکت ده ایشلب چیقریلگن دارو کورگزمه‌سیده ایتیشلریچه، افغانستان یشاوچیلری هر ییلی بیر میلیارد دالرلیک دارو مصرف قیله‌دیلر.
ییگولیک ماده و دارو ملی اداره سرپرستی عبدالباری عمر گه کوره، باشقه مملکت‌لر گه نسبتن افغانستان یشاوچیلری کوپ دارو مصرف قیله‌دی، چیت ایل دن قاچاق روشده صفت‌سیز دارولر وارد ایتیلیشی بو وضعیت اصلی عاملی سنله‌دی.
او نینگ کوپه‌یتیریشیچه: «قیرق میلیون اهالی بیر میلیارد دالرلیک دارو مصرف قیلیش سببی نیمه؟ قوشنی اولکه‌لرنی مثال بیرگنده، نفوس‌لری ۲۰۰ یا ده ۱۵۰ میلیون دیر، هر ییلی ۶۰۰ و ۸۰۰ میلیون دارو مصرف قیلیشه‌دی، بیزنی مصرف نیگه بیر میلیارد دالر بولسین؟»
بیزلرنینگ فیسبوک صحیفه‌میزگه باش اورینگ!
اوشبو تورت کون‌لیک دارو کورگزمه مسئوللری نینگ ایتیشلریچه، حاضرگی کونده افغانستان ده ۶۲ فابریکه دارو ایشلب چیقریش بولیمیده فعالیت قیلماقده، مذکور فابریکه‌لرده کمیده ۸۱۰ قلم دارو ایشلب چیقریله‌دی.
دارو ایشلب چیقرووچیلر نینگ ایشانچی گه کوره، چیت ایل دن دارو قاچاقی آلدی آلینمه‌گن تقدیرده، دارو ایشلب چیقرووچی فابریکه‌لر قیینچیلیک بیلن روپه‌ره بولیش‌لری ممکن.
اوشبو کورگزمه ده افغانستان دارو صناعت نماینده‌سی سیدنور پاشا نینگ ایتیشیچه: «چیت ایل دن قاچاق روشده صفت‌سیز دارو وارد ایتیلیش جریانی دوام ایتگن تقدیرده، مملکت ده دارو ایشلب چیقرووچی فابریکه‌لر نه فقط زیان کوره‌دی، بلکه اوشبو فابریکه‌لر یاپیلیشی ممکن.»
دارو ایشلب چیقرووچیلر، مملکت ده تولید بولگن دارولرنی استعمال قیلیش فرهنگی نهادینه بولیشی افغانستان ده ایشلب چیقریله‌دیگن دارولر کبی دارو، چیت ایل دن وارد ایتیلمسلیگی اوستیده تأکید ایته‌دیلر.
بیزلرنینگ توییترده هم تعقیب قیلینگ!
دارو ایشلب چیقرووچی فیرمه‌لردن بیری نینگ نماینده‌سی مصطفا نینگ سلام‌وطندار گه ایتیشیچه: «مملکت ده جهانی معیارلر گه ماس دارو ایشلب چیقریلماقده، یشاوچیلر ایچکی محصولات نی استعمال قیلیش اوچون بو کبی دارولر چیت ایل دن وارد ایتیلمسلیگینی ایسته‌یمیز.»
ایتیش کیره‌ک که، هر آی مملکت نینگ مینگلب اهالیسی کسل‌لرینی درمانلش اوچون خارج گه باریب و چیت ایل ده میلیون‌لرچه افغانی صرف‌لب کیله‌دیلر.