اسلام امیرلیگی سودا و صناعت وزیرلیگینینگ اعلام قیلیشیچه، اوتگن میلادی ییلده اورته آسیا مملکتلری بیلن افغانستاننینگ سودا المشووی حجمی ۱.۶۷۹ میلیارد دالردن ۲.۳۹۹ میلیارد دالرگه آشیب و بو، ۲۰۲۴-ییلگه نسبت ۴۳ فایز کوپهیشنی کورستهدی.
اوشبو وزیرلیک، بوگون (۱۲-حوت، سهشنبه)، بیر بیانیه آرقهلی ایتیشیچه، اوتگن میلادی ییلده افغانستان صادرات حجمی ۱۲۲ میلیون دالردن ۲۱۶ میلیون دالر گه ییتیشگن که، ۷۷ فایز آشیشنی بیلدیرهدی.
اوشبو وزیرلیک سوزلاوچیسی آخندزاده عبدالسلام جوادنینگ بو توغریده ایتیشیچه: «اورته آسیا مملکتلری بیلن افغانستاننینگ سودا المشووی حجمی ۱.۶۷۹ میلیارد دالردن ۲.۳۹۹ میلیارد دالرگه ییتیشگن؛ یعنی ۴۳ فایز کوپهیشنی کورستهدی. شونینگدیک صادرات هم ۱۲۲ میلیون دالردن ۲۱۶ میلیون دالرگه ییتیشگن که ۷۷ فایز آشیشنی بیلدیرهدی.»
اسلام امیرلیگی سودا و صناعت وزیرلیگینینگ کوپهیتیریشیچه، اورته آسیا مملکتلریدن وارد بولهدیگن نرسهلر برق، گاز و یاقیلغی مادهلر و صادر بولهدیگن نرسهلر هم ایکینچیلیک محصوللری و دستلبکی توارلردن عبارت دیر.
شوندهی بیرحالده، اقتصادی بیلرمانلردن قطاری، اورته آسیا مملکتلرینینگ افغانستان تجارتی اوچون یخشی بدیل بیلیب و ایتیشلریچه، افغانستان و اورته آسیا مملکتلری آرهسیده تجارتی کیلیشوونامهلر، سودا و اقتصاد رواجلنیشیگه کوپراق فایدهلی بوله آلهدی.
بو توغریده اقتصادی ایش بیلرمانلردن امیدالله قاسمزینینگ ایتیشیچه: «افغانستاننینگ اورته آسیا مملکتلری بیلن تجارتی آلیش-بیریش بو مملکتلر بیلن افغانستاننینگ تجارتی رواجلنیشیگه سبب بولهدی. افغانستان و اورته آسیا آرقهلی کوپینچه امکانیت و آسایشتهلیک یرهتیلگنی همده کیلیشوونامهلر بولگنی صورتده، بو تجاری و اقتصادی رواجلنیشده فایدهلی بوله آلهدی. شونینگدیک تجار و سرمایه یاتقیزووچیگه ویزه کورسهتیلیشی بولیمیده امکانیت یرهتیلیشی، اولرنینگ اورته آسیا مملکتلری بیلن تجارت اوچون قیزیقیشیگه سبب بولهدی.»
اقتصادی ایش بیلرمانلردن باشقه بیری عبدالنصیر رشتیا گه کوره: «اورته آسیا مملکتلری تجارت و اقتصاد اوچون یخشی بدیل دیر. اورته آسیا مملکتلری افغانستاننینگ نیازی بولگن توارلرنینگ تامین قیله آلهدی و شونینگدیک افغانستان هم بو مملکتلرگه توارلرنی صادر قیله آلهدی، چونکه اورته آسیا مملکتلری بیر ایشیک دیر که افغانستاننینگ اروپا و روسیه بازارلریگه باغلنیشیگه رخصت بیرهدی.»
اسلام امیرلیگی سودا و صناعت وزیرلیگی، صادارت حجمی کوپهیشیگه اشاره قیلیب و اورغولشیچه، بو جریان دوام قیلگنی صورتده کیلهسی ییلده، افغانستان ده تجاری موازنت برقرار بولیشی ممکن.
افغانستان ۲۰۲۵-ییلده اوزبیکستان، قزاقستان، تاجیکستان، قرغیزستان و تورکمنستان بیلن کینگ کولملی تجاری آلیش بیریش قیلگن.
