اسلام امیرلیگی احصائیه و معلومات ملی ادارهسی، افغانستاننینگ صادراتی قویاش ۱۴۰۴-ییلنینگ سنبله آییده، ۸۴.۹ میلیون دالر گه آشکنینی بیلدیردی.
اوشبو اداره، ۲۱-میزان، دوشنبه کونی ایکس صحیفهسیده بیر بیانیه ترقهتیب، افغانستاننینگ صادراتی سنبله آییده ۲۲۹.۸ میلیون دالر گه آشگن، اوشبو ییلنینگ اسد آییده بو رقم ۱۴۴.۹ میلیون دالر بولگن.
احصائیه و معلومات ملی ادارهسی گه کوره، افغانستاننینگ وارداتی سنبله آییده اسد آیی گه قرهگنده کوپهیگن و بیر میلیارد ۱۹۵.۶ میلیون دالردن بیر میلیارد ۲۳۲.۷ میلیون دالر گه یېتگن؛ بو رقم قریب ۳۷ میلیون دالرلیک توار وارد قیلینگنینی کورستهدی.
مذکور ادارهنینگ معلوماتی اساسیده، افغانستان سنبله آییده کوپراق پاکستان، بیرلشگن عرب امیرلیگی و تورکیه گه توار صادر قیلگن و کوپراق ایران، چین، بیرلشگن عرب امیرلیگی و پاکستاندن وارد قیلگن.
