قویاش ۱۴۰۳-ییل‌نینگ یکونلنیشی بیلن اسلام امیرلیگی گه کوره، افغانستان اقتصادی اوشبو ییل‌ده سیزیلرلی درجه‌ده یخشی بولگن.
اقتصادنینگ ۲.۷ فایز کوپه‌یشی، آزیق-آوقت و دستلبکی ماده‌لر نرخی ۲۸ فایز پس توشیشی، ایچکی بودجه‌دن ۳۷۰ کتّه و ۸۷۳ فرعی لایحه ایشی توگه‌شی، قوشنی و منطقه مملکتلر بیلن سودا آلیش-بیریش کوپه‌یشی، بیرقطار مملکتلرنینگ سرمایه یاتقیزیش گه قیزیقیشی و افغانستان توپراغیده تاپی لایحه ایشی عملی بولیشی، مملکت اقتصادی اوسیش نمونه‌لریدن سنله‌دی.
اقتصاد وزیرلیگی سوزلاوچیسی عبدالرحمان حبیب گه کوره، قویاش ۱۴۰۳-ییل‌ده مملکت اقتصادی احوالی، ۱۴۰۲-ییل گه نسبتن یخشی بولیب و افغانستان اقتصادی ۲.۷ فایز کوپه‌یش گواهی بولگن.
اونینگ کوپه‌یتیریشیچه: «افغانستان اقتصادی احوالی قویاش ۱۴۰۲-ییل گه نسبتن ۱۴۰۳-ییل‌ده یخشی بولگن و ۲.۷ فایز آشگنینی کورسته‌دی، تورم نرخی هم ۷.۷ فایز تخمین اېتیلگن؛ ۱۴۰۳-ییل‌ده قریب ۳۷۰ ایچکی لایحه اسلام امیرلیگی‌نینگ ایچکی درآمدی ترقیاتی بودجه‌سیدن عملگه آشیریلگن و اسلام امیرلیگی‌نینگ فرعی ترقیاتی بوتون لایحه‌لری ولایت‌لر فرقی بیلن ۸۷۳ ترقیاتی لایحه دیر که تورلی سکتور اینیقسه سوولرنی باشقریش، ایکینچیلیک، ساغلیق‌نی سقلش، معارف آست قورمه‌لری و اجتماعی مصوونیت بولیمیده بولگن.»
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی‌نینگ کوپه‌یتیریشیچه، بو وزیرلیک قویاش ۱۴۰۳-ییل‌ده موسسه‌لر و خلق‌ارا تشکیلات‌لرنینگ یاردمی بیلن انسان سیورلیک یاردملر آتیده، ۶۲۱ ترقیاتی لایحه ایشینی بیتّیرگن و اوتگن ییللردن قالگن بیرمینگ ۳۱۸ لایحه ایشینی هم توگه‌تگن.
عین‌حالده، اسلام امیرلیگی سوزلاوچیسی‌نینگ اورین باسری حمدالله فطرت گه کوره، قویاش ۱۴۰۳-ییل‌ده افغانستان ۱۰ میلیارد دالرلیک توار آلیش-بیریش قیلگن همده قزاقستان و تورکمنستان کبی اولکه‌لر بیلن ۲۱۳ میلیون دالرلیک سودا بیتیمینی امضاله‌گن.
اونینگ کوپه‌یتیریشیچه، بیر ییل‌ده تجارت میزانی ۱۰ میلیارد دالر گه یېتگن، ایکّی میلیاردی صادرات بولگن؛ روسیه گه صادرات رقمی ۵۴ فایز، تورکیه گه ۵۳ فایز، ایران گه ۱۹ فایز و چین گه هم ۱۴ فایز کوپه‌یگن. افغانستان و قزاقستان خصوصی سکتور سوداگرلری آره‌سیده ۲۰۰ میلیون دالرلیک بیتیم امضالنگن، افغانستان و تورکمنستان خصوصی سکتور سوداگرلری آره‌سیده ۱۳ میلیون دالرلیک بیتیم امضالنگن. شونینگدیک، اوزبیکستان سوداگرلری کوپینچه سرمایه یاتقیزگنلر.»
بیزلرنینگ «ایکس» ترماغی ده هم تعقیب قیلینگ!
فطرت‌نینگ کوپه‌یتیریشیچه، قویاش ۱۴۰۳-ییل‌ده آزیق-آوقت و دستلبکی ماده‌لر نرخی ۲۸ فایز پس توشگن.
اسلام امیرلیگی قدرت نی آلگنیدن کېین، افغانستان‌نینگ کوپ مقدارده سرمایه‌سی امریکا قوشمه ایالتلری و اروپا مملکتلری تامانیدن توسیلدی؛ بیراق افغانستان مرکزی بانک مسئوللری‌نینگ ایتیشلریچه، بو بانک ایجابی ریجه‌لری بیلن احوال‌نی باشقریب و تشقی پوللر برابریده افغانی پول نرخینی ثابت سقلش گه اولگورگن.
مرکزی بانک سوزلاوچیسی حسیب‌الله نوری گه کوره: «افغانستان مرکزی بانکی تینیم‌سیز سعی-حرکتی بیلن بانکی خذمت‌لر ثباتینی سقلب و چیکلاولر حلی اوچون تخنیکی ییچیم‌لرنی قیدیردی؛ افغانستان مرکزی بانک رهبریتی تورلی مملکتلرنینگ بانک مسئوللری و نهادلری بیلن ییغیلیش اوتکزیب خلق‌ارا معیارلرنی عملگه آشیریش و بانکی سکتور قیینچیلیگینی حل قیلیش گه اولگورگن، بانکی چیکلاولر بیلن منطقه و ایچکی همکارلیک‌لر اساسیده اوز غایه‌میز گه دوام بیرماقده‌میز.»
بیراق اقتصادی ایش بیلرمانلر، اقتصادی آست قورمه‌لرده‌گی قیینچیلیک‌لر، امریکا بانک‌لریده افغانستان سرمایه‌سی توسیلیشی، اسلام امیرلیگی تن آلینمسلیگی، بانکی آلیش-بیریش یوق‌لیگی و باشقه مملکتلر بیلن افغانستان سودا علاقه‌سی یوق‌لیگی و افغانستان گه تشکیلات‌لردن بیرقطاری‌نینگ یاردملری کمه‌یشینی قویاش ۱۴۰۳-ییل‌ده مملکت اقتصادی ترقیاتی اونگیده‌گی توسیق اته‌گنلر.
اقتصادی ایش بیلرمان قطب‌الدین یعقوبی گه کوره: «افسوس بیلن حاضر هم افغانستان اقتصادی کوپینچه چیکلاولر بیلن دوچ دیر و بو قیینچیلیک‌لر طفیلی افغانستان اقتصادی نقطه‌ی-نظردن ترقی قیلمه‌گن؛ جمله‌دن امریکا قوشمه ایالتلری بانک‌لریده افغانستان سرمایه‌لری توسیلیشی، تحریم‌لر و اسلام امیرلیگی تن آلینمسلیگی، بانکی آلیش-بیریش یوق‌لیگی و باشقه مملکتلر بیلن افغانستان‌نینگ سودا مناسبتی بولمسلیگی، افغانستان اقتصادی سیزیلرلی درجه‌ده ترقی قیلمسلیکّه سبب بولگن.»
یعقوبی‌نینگ کوپه‌یتیریشیچه، قویاش ۱۴۰۳-ییل‌ده اقتصادی ترقیات اوچون سرپرست حکومت ریجه‌لری اونچه‌لیک نتیجه بیرمه‌گن.
اسلام امیرلیگی، قویاش ۱۴۰۳-ییل‌ده افغانستان اقتصادی سیزیلرلی درجه‌ده یخشی بولگنینی اېتسه‌ده؛ بیراق اوتگن آی دنیا بانکی ترقه‌تگن گزارشی‌ده، افغانستان‌نینگ اقتصادی ترقیاتی نامعلوم پالیسی، مالی انزوا، تشقی یاردملر کمه‌یشی و پاکستان بیلن سودا مناسبت‌لر بوزیلیشی طفیلی، ثبات‌سیز قالگنینی اېتگن اېدی.
