افغانستان بویوکلر فوتسال ملی تیرمه جماعهسی اسلامی مملکتلر بیردملیک اوینلری دایرهسیده ایکینچی اویینیده مراکش بیلن بیللشهدی.
اوشبو بیللشوو، ۱۷-عقرب، شنبه کونی کابل وقتی بیلن توش پیتی ساعت ۱۲:۳۰ده سعودی عربستان میزبانلیگی بیلن ریاض شهریده اۉتکزیلهدی.
مملکت فوتسال ملی تیرمه جماعهسی بوندن اولگی اویینلریده ۹-۵ حسابی بیلن تاجیکستاننی مغلوب قیلدی و آسیا قهرمانی ایران برابریده ۲-۲ حسابی بیلن مساوی گه تن بیردی و افغانستان اوشبو مسابقهلرده تورت امتیاز آلیب و مراکش گه نسبتن گل فرقی بیلن ایکینچی اورینده تورگن.
مملکت اویینچیلری بوگونگی مسابقهده غلبه قازانگن حالده مستقیم طرزده کېینگی باسقیچ گه یول تاپهدی و اگر افغانستان مراکش بیلن مساوی قیلیب و ایران هم تاجیکستان برابریده مساوی گه تن بیرگن حالده، ېنه هم افغانستان و مراکش کېینگی باسقیچ گه یول تاپیب ایران و تاجیکستان حذف بولهدی.
بو رقابتلرده سکیز جماعه جملهدن سعودی عربستان، اۉزبېکستان، لیبیا، آذربایجان، ایران، افغانستان، تاجیکستان و مراکش اشتراک اېتیب و ایکی گروهده بیر-بیریگه قرشی بیللشماقده.
اوشبو فوتسال بیللشوولری رسمی طرزده، ۱۳-دن ۳۰-عقرب گه قدر ریاض شهریده دوام تاپیشی کوتیلهدی.
