۲۰۲۴-ییل خلق‌ارا فوتسال کپی ده، افغانستان و اوکراین فوتسال ملی تیرمه جماعه‌لری گروهی باسقیچدن چیقیش اوچون بیلله‌شه‌دیلر.
اۉزبېکستان میزبان‌لیگی بیلن بولیب اۉته‌یاتگن اوشبو مسابقه‌لرده افغانستان فوتسال ملی تیرمه جماعه‌سی بوگون (۳۱-سنبله، شنبه) کابل وقتی بیلن شام پیتی ۷:۳۰ ده اوکراین بیلن بیلله‌شه‌دی.
بیزلرنینگ فیسبوک صحیفه‌میزگه باش اورینگ!
افغانستان اوشبو بیلله‌شوولر نینگ بیرینچی و ایکّینچی اویینلریده آنگولیا تیرمه جماعه‌سی گه ۶-۴ حسابی بیلن غالب و ارجنتاین برابریده ۲-۱ حسابی بیلن مغلوب بولگن.
افغانستان اۉز گروهیدن صعود قیلیش اوچون اوکراین گه غلبه قازانیشی یا که مساوی قیلیشی کېره‌ک.
خلق‌ارا فوتسال کپی اویینلریده افغانستان-اوکراین گه قۉشیمچه، لیبا-اسپانیا؛ قزاقستان-نیوزیلند فوتسال تیرمه جماعه‌لری افغانستان وقتی بیلن ساعت ۵:۰۰ ده و آنگولیا-ارجنتاین شام پیتی ساعت ۷:۰۰ بیلله‌شه‌دیلر.
بیزلرنینگ «ایکس» ترماغی ده هم تعقیب قیلینگ!
اۉتگن کون کوبا فوتسال جماعه‌سی ۷:۰ حسابی بیلن کرواسیا؛ تایلند ۹-۱ حسابی بیلن برازیل گه بای بیردی. شونینگدیک، هالند ۵-۲ حسابی بیلن پاراگوئه و کاستاریکا اوشبو مسابقه‌لر میزبانی اۉزبېکستان گه ۵-۳ حسابی بیلن غلبه قازاندیلر.
اۉزبېکستان بو مسابقه‌لر نینگ میزبانی اوله‌راق گروهی باسقیچدن چیقه آلمه‌دی.
اوشبو مسابقه‌لر، ۱۴۰۳-ییل ۱۵-میزان گه قدر دوام تاپیشی اېتیلگن.
