اسلام امیرلیگی صناعت و سودا وزیرلیگی، ۵-حمل، سه‌شنبه کونی ایکس صحیفه‌سیده بیر بیانیه ترقه‌تیب، اوشبو وزیرلیک سرپرستی نورالدین عزیزی کابل‌ده چین ایلچیسی جاوشینگ بیلن اوچره‌شگنیدن خبر بیرگن.
بو اوچره‌شووده، ایکّی مملکت اورته‌سیده‌گی سودا تېنگ‌لیگی اوستیگه تأکید اېتیلیب و ایکّی تامان افغانستان‌نینگ چین گه صادراتی اینیقسه جلغوزه، انار، قیمت‌بها تاشلر و نفرائت، اونکس، لاجورد، تالک و باشقه محصولات‌لری حقیده بحث اېتگنلر.
بیزلرنینگ فیسبوک صحیفه‌میزگه باش اورینگ!
بیانیه‌ده کېلیشیچه: «بو اوچره‌شووده، توارلر نرخی کمه‌یشی مقصدیده چین گه مستقیم صادرات قولی‌لشتیریلیشی و افغانستان‌نینگ صادراتی توارلری انتقال بیریلیشی شونینگدیک، مملکت اقتصادی تورلی سکتورلری ترقیاتی اوچون احتیاج بولگن اوسکونه‌لرنی وارد اېتیش مسئله‌لری بحث گه آلینگن.»
اوشبو اوچره‌شووده تامانلر، کوپراق هماهنگ بولیش، سودا علاقه‌لرنی آشیریش و تجارت ساحه‌سیده ییترلی قولی‌لیک کېریتیش، قۉشمه ایش گروه ایجاد اېتیلیشی و منتظم ییغیلیش اوتکزیش حقیده کېلیشگنلر.
بیزلرنینگ «ایکس» ترماغی ده هم تعقیب قیلینگ!
صناعت و سودا وزیرلیگی گه کوره، تورلی مملکتلر بیلن اقتصادیات و سودا علاقه‌لرنی کېنگه‌یتیریش بیلن، ملی صادرات رقمینی آشیریب و مملکت اقتصادینی تېکلش گه متعهد دیر.
