قطر باشکنتی دوحه شهریده افغانستانلیکلر ارا سوزلشوولر خصوصیده کابل، بلخ، هرات، کندز، پروان، فاریاب و پکتیا ولایت‌لری نینگ مینگ‌لرچه عیاللر ییغین اوتکزیب، افغانستان جمهورلیک نظامیدن اوز آرقه‌داشلیکلرینی اعلان قیلگنلر.
اوشبو عیاللرنینگ ایتیشیچه، افغانستان اینقسه بلخ ولایتی نینگ عیاللری اوروش اصلی قربانی بولیب و طالبان گروهی نینگ اسلامی اماراتی‌نی اوتکزگن‌لر.
بلخ عیاللر کینگشی باشلیغی شهلا حدید، اولکه‌ده اوروش یکونله‌نیب و جماعه‌ده عیاللر حضوری حفظ بولیشی اوستیده تاکید ایتیب و دوحه‌ده‌گی طالبان نماینده‌لریدن تینچلیک تامین بولگنیدن سونگ، عیاللر حقیگه حرمت قایل بولیش‌لرینی سوره‌گن.
باشقه تاماندن کابل ولایتی نینگ مینگ‌لرچه عیالی لویه‌جرگه خیمه‌سیده بیر ییغین اوتکزیب، جمهورلیک نظامیدن حمایت بیلدیرگنلر.
اوشبو عیاللر ۹ ماده‌لیک بیر شرطنامه نشر قیلیب، عیاللر هیچ‌بیر زمان اوروش گه دخیلی بولمه‌ی یکن اوروش یکونلنیشی اوچون جدی صورتده تلاش قیلیش‌لری اوستیده تاکید قیلینگن.
بویوکلر کینگشی عضوی گلالی اکبری، اوشبو ییغینده سوز یوریتیب، جمهورلیک نظامی حفظ ایتیلیشی اوستیگه تاکید قیگلن.
عین‌حالده، پروان ولایتی بوییچه عیاللر کینگشی باشیغی خانم شاه‌جهان یزدان پرست، پروان ولایتی عیاللری اوروش نینگ اصلی قربانی بولیب و طالبان گروهی نینگ یمان کونلرینی تجربه قیلگنلر دیگن.
شونینگدیک، فاریاب و پکتیا ولایت‌لری نینگ عیاللری ییغین اوتکزیب، اوز آرقه داشلیک‌لرینی افغانستان جمهورلیک نظامیدن اعلان قیلگنلر.
ایتیش‌کیرک کیم، کندز ولایتی نینگ بیر قطار عیاللری هم بیر ییغین اوتکزیب، ملی ارزش‌لر، عیاللر حقی و سونگی ییلرده‌گی یوتوقلر حفاظتی اوستیده تاکید ایتیب، جمهورلیک نظامیدن حمایت قیلگنلر.
اوشبو ولایت عیاللری، طالبان گروهی‌دن، اوروش و زوراوانلیک‌لرنی توخته‌تیب، اولکه ده تینچلیک تامین بولیشی اوچون یاردم ایتیش‌لرینی سوره‌گنلر.
باشقه بیرتاماندن هرات ولایتی نینگ بیر قطار یشاوچیلری، دین عالم‌لری، سیاسی بیلیم‌دانلری، مدنی فعال‌لری و یاش‌لری بیر ییغین اوتکزیب، اوریش تابوتی‌نی توپراققه قویگنلر.
عین‌حالده، بیلیم یورت اوقیتووچیسی بصیر احمد دانشیار، اوروش‌ده قربان بولگنلر یره‌شیش مذاکره‌سیده قرار آلیشی‌نی سوره‌گن.