مهاجرلر قیینچلیکلرینی حل ایتووچی کمیسیون، بیر کون ایچیده ۱۰ مینگ ۳۹۶ افغانستانلیک مهاجر ایران و پاکستاندن جبری شکلده چیقریلیب و افغانستان گه قیتریلگنینی بیلدیرگن.
اسلام امیرلیگی سۉزلاوچیسینینگ اورین باسری حمدالله فطرت، بوگون (۲۰-عقرب/۱۱-نومبر) بیر بیانیه ترقهتیب، بو کیشیلر اوتگن کون افغانستان گه یېتیب کیلگنلرینی ایتگن.
بیانیه گه کوره، بیر مینگ ۸۳۱ عایله – ۱۰ مینگ ۳۹۶ کیشیدن عبارت هراتده اسلامقلعه، نیمروزده پلابریشم، ننگرهارده تورخم، قندهارده اسپینبولدک و هلمند ولایتیده بهرامچه بندرلری آرقهلی افغانستان قیتیب کیلگنلر.
مهاجرلر قیینیچلیکلرینی حل ایتووچی کمیسیون، قیتگنلر اوچون چېگرهلرده ساغلیق، مالیهوی و آزیق-آوقت یاردم کورسهتیلگنینی بیلدیرگن.
ایران و پاکستان، سۉنگی آیلرده افغانستانلیک مهاجرلرنینگ جبری شکلده چیقریش جریانینی آشیرگن و هر کونی مینگلب کیشی افغانستان گه قیتریلماقده.
