ایران‌ده افغانستان‌لیک قاچقینلردن بیرقطاری، احواللریدن خواطر بیلدیریب بو مملکت دولتی‌دن قاچقینلرنی جبری چیقریش جریانی گه چېک قوییشنی اېسته‌یدیلر.
ایران‌ده افغانستان‌لیک قاچقین رحیم امانی گه کوره، نیچه مرته افغانستان‌لیک قاچقینلرنینگ قولگه آلینیب کلتکله‌نیشی و جبری چیقریش گه گواه بولگن.
اونینگ کوپه‌یتیریشیچه: «نیچه کون آلدین، وطنداش‌لریمیز ایشله‌یدیگن منطقه‌لر گه نارسمی کییم بیلن کېلیب، کوچه، سرک و رستورانت‌لرده اولر گه یقینلشگن حالده قولگه آلیب و دیپورت قیله‌دیلر و بو جریان گه چېک قوییلیشنی اېسته‌یمیز.»
افغانستان‌لیک قاچقینلردن باشقه بیری امید پویا، قاچقینلر قولگه آلینمسلیک‌لری اوچون آزیق-آوقت و باشقه احتیاجلرینی یاشیرینچ شکلده تأمین قیلیش‌لرینی اېته‌دی.
بیزلرنینگ فیسبوک صحیفه‌میزگه باش اورینگ!
او، خلق‌ارا نهادلردن افغانستان‌لیک قاچقینلرنینگ جبری چیقریلیش جریانی گه مانع بولیش‌لرینی سوره‌یدی.
اونگه کوره: «قاچقینلر کوپینچه قیینچیلیک‌لر بیلن دوچ و حتا نانوایی‌لرده صف گه توخته‌ی آلمه‌یدیلر، حتا قورقینچ بیلن سودا آلیشه‌دی، آلتی آی‌دن بیری اۉزگریش کېلیب و چېکلاولر یره‌تیلگن و قاچقینلر نان و باشقه احتیاجلرینی تأمینلش اوچون اوی‌دن چیقه آلمه‌یدیلر و بیز خلق‌ارا نهادلردن قاچقینلرنینگ جبری چیقریش جریانی گه مانع بولیش‌لرینی اېسته‌یمیز.»
سۉنگی نیچه آی‌ده، ایران دولتی افغانستان‌لیک قاچقینلرنی ایشلش، اوقیش، طبی خذمت‌لردن فایده‌لنیش، ایرکین باریب-کېلیش‌دن منع قیلیب و کوپینچه شهرلرده افغانستان‌لیک قاچقینلرنی بلدیه، ایشخانه‌لر و ایشلب چیقریش کارخانه‌لرده ایشلش‌لرینی تقیق له‌گن.
بیزلرنینگ «ایکس» ترماغی ده هم تعقیب قیلینگ!
ایران‌ده افغانستان‌لیک قاچقین خیرالله مرادی‌نینگ ایتیشیچه: «قاچقینلر دستلبکی امکانیت‌دن فایده‌لنه آلمهیدی و بیر سیمکارت آلیش اوچون کوپ عذاب چېکیشه‌دی بانک و مخابراتی کارت‌لر یوق و هېچ کیم بیلن علاقه قوره آلمه‌یمیز.»
قاچقینلر وزیرلیگی مسئوللری گه کوره، افغانستان‌لیک قاچقینلرنینگ قیینچیلیک‌لری حلی اوچون، ایران رسمی‌لری بیلن مذاکره قیلماقده‌لر.
اوشبو وزیرلیک سۉزلاوچیسی عبدالمطلب حقانی، ایران دولتی‌دن افغانستان‌لیک قاچقینلرنی جبری چیقریش جریانی گه چېک قوییب و اولر اۉز اېستک‌لری بیلن افغانستان گه قیتیش‌نی سوره‌یدی.
اونینگ ایتیشیچه: «قاچقینلر وزیرلیگی هردایم قۉشنی پاکستان و ایران بیلن مذاکره قیلیب کېلگن و اولردن افغانستان‌لیک‌لرنی جبری چیقرمسلیک‌لرینی اېسته‌یمیز و اولر اۉز اېستک‌لری بیلن مملکت گه قیتسینلر و افغانستان‌لیک‌لردن اۉز اولکه‌لری گه قیتیش‌لرینی سوره‌یمیز.»
اسلام امیرلیگی قاچقینلر وزیرلیگی‌نینگ معلوماتی اساسیده، اوشبو قویاش ییل‌نینگ اوتگن توقیز آیی‌ده، ایران دولتی ۸۹۰ مینگ افغانستان‌لیک قاچقین‌نی بو مملکت‌دن چیقرگن.
