افغان قیزیل آی جمعیتی مسئوللری، سۉنگی بیر ییلده مملکت نینگ تورلی ولایت‌لریده طبیعی آفت‌لر طفیلی زیان کورگن بیر میلیون ۴۳۰ مینگ ۳۶ کیشی گه یاردم بیرگنلرینی معلوم قیله‌دیلر.
مذکور نهاد سۉزلاوچیسی مدثر همراز گه کوره، اوشبو کیشیلر گه آزیق-آوقت و نقدی یاردم کورسه‌تیلگن.
اونینگ کوپه‌یتیریشیچه: «۸۱۵ مینگ ۵۳۶ کیشی گه آزیق-آوقت، ۳۰۲ مینگ ۳۴۳ کیشی گه باشقه نرسه، ۱۸۰ مینگ ۸۹۲ کیشی گه آزیق-آوقت و باشقه نرسه، ۲۸۶ مینگ ۳۱۲ کیشی گه ۶۹۳ میلیون ۴۱۹ مینگ ۱۵۰ افغانی توزیع بولگن.»
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی مسئوللری، ۴۶ ثابت کسلخانه، ۳۶ فرعی کلینیک، ۶۵ فوق‌العاده ساغلیق‌نی سقلش تیم، ۳۶ ساغلیق‌نی سقلش سیار تیم و ۴۵ ساغلیق کمپی آرقه‌لی بیر میلیون ۸۰۰ مینگ کیشی گه طبی خذمت کورسه‌تیلگنینی اېته‌دیلر.
افغان قیزیل آی جمعیتی نینگ سکرترجنرال عملیاتی اورین باسری عبداللطیف ثابت گه کوره، اۉتگن ییلده توغمه یوره‌ک کسل‌لیگیگه (سوراخ قلب) چلینگن ایکّی مینگ ۲۱۲ باله مذکور نهاد نینگ یاردمی بیلن دوالنگن، اولر ارا ۱۹ باله جرمنی ده دوالنیشدن سۉنگ کابل گه قیتگنلر.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «توغمه یوره‌ک کسل‌لیگیگه چلینگنلردن بیرقطاری خصوصی کسلخانه‌لریمیزده دوالنماقده‌لر و جراح‌لیک عملیات‌لردن بیرقطاری نینگ خره‌جتی بیر یریم مینگ دن ۱۰ مینگ دالر دیر و بو مقدار پول افغان قیزیل آی جمعیتی تامانیدن توللـه نیله‌دی.»
افغان قیزیل آی جمعیتی مسئوللری، سرپرست‌سیز بیر مینگ ۴۹۵ کیشی گه مراقبت، سرپرست‌سیز سکیز مینگ ۱۱۰ عیال گه مسلکی اوقیش، ۳۰ مینگ آرتیق کمبغل کیشی گه آی‌لیک حقوق و ۵۴ مینگ دن آرتیق قیز و اوغیل اوقووچی گه تعلیم زمینه‌لری یره‌تیلیشینی، اۉتگن بیر ییلده بو نهاد نینگ باشقه فعالیت‌لریدن اته‌گنلر.
