چیکلاولر افغانستانلیک قیزلرنینگ حیاتیگه سایه تشلهگنی بیرحالده، هرات ده قیزلردن قطاری امید و قیزیقیش بیلن تذهیب صناعتیگه یوز کیلتیریب، رنگ و قلم تیلی بیلن گپلشهدیلر و بو صناعت پناهیده کیلهجکلری اوچون تینچلیک و امیدنی سقلش مقصد حرکت قیلهدیلر. مذکور قیزلرنینگ ایتیشلریچه، صناعت چیکلاولر و و قرانغولر آرهسیده اولر اوچون خوفسیز باشپنه صفتیده بولگن.
تذهیب صناعتی، اسلام مدنیتیده قدیمی تاریخگه ایگه بولیب و افغانستان ده اونینگ تاریخی هرات ده تیموریلر دورهسیگه بارهدی. هرات دهگی صناعتچی قیزلر اوشبو صناعت آرقهلی تینچلیک سری حرکت قیلیش یانیده، اولرنینگ اساسی مقصدی افغانستان ده تذهیب صناعتینی رواجلنتیریش و صناعت آرقهلی سیسلرینینگ دنیا گه ییتیشتیریش دیر.
اوشبو قیزلر، عایلهلری آرقهلی قوللب-قوتلنیش اوچون خورسندلیک قیلیب و ایتیشلریچه، عایلهلری و دوستلرینینگ مادی و معنوی حمایتلری، بو ساحهده فعالیت قیلیشلریگه زمینه یرهتگن.
اوشبو یاش قیزلردن بیری سمیه سلیمانخیل، سکیز ییل آلدین تذهیب صناعتیگه یوز کیلتیریب و حاضر «نگارستان نایکو» آتیدهگی صناعتی و فرهنگی بیر نهادنینگ مدیریت قیلهدی. او، تذهیب هنری بولیمیدهگی بیرینچی صناعتی اثریده قرآنکریمنینگ مکمل شکلده یازگن.
سمیه بو صناعتنی ایچکی و چیتایللیک استادلردن اورگنگن و نهادینینگ اصلی مقصدینی افغانستان ده قدیمی و سنتی صناعتلرنینگ رواجلنتیریش و سقلش دیگن. «صناعت بالهسینی قوچاغیگه آلگن مهربان آنه کبی دیر. مهربانلیک و اونینگ یانیده استقلال تامان هدایت قیلهدی.»
سمیه یانیده، تذهیب صناعتیگه یوز کیلتیریش بیلن بو اولکهنینگ تاریخی و قدیمی هنرینی سقلش و بو صناعت آرقهلی اوزلریگه تینچ بیر فضانی یرهتیب، تینچلیک و مالی مستقللیککه ایریشماق ایستهگن باشقه بیر قطار قیز هم بار.
مذکور صناعت گه امید بیلن باشلهگن قیزلردن بیری زینب جمشیدی، بیر کونی اثرلرینینگ خلقارا کورگزمهلرده نمایش گه قوییلیشی و بو یولده بیر قطار صناعت اورگنووچینینگ ییتیشتیریشگه آرزوسی بار. «چیکلاولر بولگنی بیلن، هنر مینگه بیر باشپنه بولگن که هر قچان قلمنی قولیمگه آلیب و نقش-نگار گه باشلهگنیمده اوزیمنی آرام حس قیلهمن. اوشبو صناعت سبب بولگن که فکرمنی آرام و کیلهجککه امید بیلن قرهسم.»
بیزلرنینگ فیسبوک صحیفهمیزگه باش اورینگ!
عیاللر تعلیمی و ایشی برابریده چیکلاولرنینگ کوپهیاتگنی بیر شرایطده، افغانستانلیک قیزلر امیدلرینی قولدن بیرمهی، امید و حرکت بیلن یخشی بیر کیلهجککه ایشانهدیلر. شونینگدیک زهرا غلامی، اوزینینگ قیزیقیشی همده عایلهسی بیلن دوستلرینینگ تشویق قیلگنی سبب تذهیب هنریگه یوز کیلتیریب و بو هنرنی مسلکی شکلده اورگنگن.
او، صناعتی اثرلرنینگ اصلی ساتیب آلهدیگن کیشیلرنینگ چیتایللیکلر بولگنیگه اشاره قیلیب و ایتیشیچه، حاضرگی شرایط اوچون اورنینگ مشتریلری سانی کمراق بولگن. شونینگدیک زهرا، سیمانینگ نقاشلیک بولیشی و تعلیمی چیکلاولرگه اشاره قیلیب و کوپهیتیریشیچه، گرچند بیر قطار چیکلاولر و توسیقلیکلر بیلن روپهره بولگنلر؛ لیکن او قیزلرنینگ بو صناعتنی اورگهنیب و افغانستان ده بو هنرنینگ رواجلنتیریشلرینی ایستهیدی. «چونکه تذهیب صناعتی قدیمی و اسلامی بیر هنر دیر. مین طرحلریمده بو صناعتنینگ گوزهللیکلرینی نمایان ایتیشگه و تانیتیشگه حرکت قیلهمن.»
شوندهی بیرحالده، هرات بیلیم یورتینینگ صناعتلر فاکولتهسیدهگی استادلردن ابراهیم حبیبی، تذهیب صناعتی سقلنیشی و رواجلنیشینینگ کیرهکلی بولگنیگه تاکیدلب، اوشبو تاریخی همده گوزه هنرنینگ انتقال تاپیشیده قیزلر اورنینی اونملی دیب و ایتیشیچه، تذهیب بولیمیده قیزلرنینگ حضوری، بو قدیمی صناعتنینگ سقلهنیب قایلشینی ضمانت قیلهدی.
ابراهیم حبیبی، سنتی صناعتلرنینگ افغانستان تاریخی و فرهنگی کیملیگیدن اَیریلیب بولمهیدیگن بیر بولیم دیب و آگاهلنتیرگن. «کیلهسی نسللرگه بو هنرلرنینگ انتقال بیریلمهگنیده، ملی فرهنگیمیزدن بویوک بولیمینینگ قولدن بیریش معناسیگه دیر. کمالالدین بهزاد و سیداحمد سعید مشعل کبی استادلر، ییللر اوشبو فرهنگی میراثنینگ سقلهنیشی و رواجلنیشی مقصد زحمت تارتگنلر. اولرنینگ زحمتلری قدرینی بیلیش بیزلرنینگ وظیفهمیز دیر.»
هرات ده فرهنگی فعاللردن بیری سهیلا صبری، تذهیب صناعتینی هرات و افغانستان فرهنگی کیملیگینینگ بیر بولیمی دیب و ایشانچیگه کوره، بو صناعت سقلنیشی و رواجلنیشی اوتمیش و کیلهجک فرهنگینی باغلهیدیگن بیر حلقه بولیب، مملکتنینگ فرهنگی کیملیگینی سقلشده چقور تاثیر گه ایگه بوله آلهدی. شونینگدیک صبری، تذهیب صناعتی بولیمیده ایشلهیدگن عیاللرنینگ قوللب-قوتلنیشینی فرهنگی نهادلر ایشی بیلهدی. «صناعتچی عیاللرنینگ مادی و معنوی قوللب-قوتلش، بو هنرنینگ کیلهجگینی سقلشده اونملی اورینگه ایگه دیر. صناعتی و فرهنگی نهادلر کیلهجکده بو صناعتنینگ سقلنیشی اوچون یخشی حمایتچی بوله آلهدی. شونینگدیک اولرنینگ خلقارا بازارلرگه باغلهش و تینچ ایش زمینهسینی یرهتیش، بو توغریده عیاللرگه یاردم بیرهدی که بو بولیمده فعالیت قیلسهلر و افغانستاننینگ ملی همده تاریخی کیملیگینی سقلشده حصه قوشسهلر.»
اوشبو قیزلر، سونگی ییللرده عایلهلردن کوپ قطاری آلتینجی صنفدن یوقاری قیز اوقووچیلر تعلیمی تقیقلنگنی و ایش فرصتلری یوقلیگی سبب، مملکتنی ترک قیلیشگه یا-ده قیزلرینینگ تورموشگه چقیرگنلری بیرحالده، صناعتی فعالیتلریگه دوام بیرهدیلر. کوندهلیک چیکلاولر عیاللر حضوریگه چقور تاثیر قویگن؛ لیکن اوشبو صناعتچی قیزلر یورهکلریده امید و آرزونی ییتیشتیریش بیلن، شونینگدیک یخشی بیر کیلهجککه ایشانهدیلر و دولتدن اولرنینگ حمایت قیلیش بیلن، اولرگه تینچ هنری فعالیتلری رواجلنیشیده امکانیت یرهتیلیشینی ایستهگنلر.