افغانستان هواشناس‌لیک ریاستی، سالنگ‌لر شامل مملکت نینگ ۲۲ ولایتیده کوچلی یامغیر و قار یاغیشیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
هواشناس‌لیک ریاستی، بوگون (دوشنبه، ۱۹ جدی) سالنگ‌لر شامل هرات، غور، بادغیس، فاریاب، جوزجان، سرپل، سمنگان، بغلان، تخار، بدخشان، پنجشیر، پروان، غزنی، پکتیکا، بامیان، دایکندی، ارزگان، زابل، قندهار، هلمند، نیمروز و فراه ولایت‌لریده کوچلی یامغیر و قار یاغیشینی معلوم قیلگن.
شونینگدیک مذکور اداره، تورلی منطقه‌لرده یامغیر یاغیش میزانینی (۱۰ دن ۳۰) ملی متر و شوکبی تورلی ولایت‌لرده قار یاغیش میزانینی (۱۰ دن ۴۰) سانتی متر پیش‌بینلیک قیلگن.
بیزلرنینگ توییترده هم تعقیب قیلینگ!
شوکبی مذکور اداره، اوشبو هفته سونگی ده مملکت نینگ غربی، شمال‌غربی، شمال‌شرقی و مرکزی ولایت‌لری اینگ ساووق بولیشینی معلوم قیلگن.