اسلام امیرلیگی صناعت و سودا وزیرلیگی سرپرستی نورالدین عزیزی، اۉزبېکستان کانلر و جیولوجی رسمی‌لریدن افغانستانده، مس و نفت کانلری اوستیگه سرمایه یاتقیزیش‌لرینی اېسته‌گن.
صناعت و سودا وزیرلیگی بوگون (۱۶-سرطان، شنبه) ایکس صحیفه‌سیده بیر بیانیه ترقه‌تیب، اوشبو وزیرلیک سرپرستی نورالدین عزیزی، اۉزبېکستان کانلر و جیولوجی وزیری اسلام‌اوف بوبیر فرخادویچ بیلن اوچره‌شووده، ایکّی مملکت نینگ مناسبتی مستحکم‌لنیشی اینیقسه نفت و مس کانلری اوستیگه سرمایه یاتقیزیش حقیده بحث اېتگنلرینی یازگن.
بیزلرنینگ فیسبوک صحیفه‌میزگه باش اورینگ!
بو اوچره‌شووده صناعت و سودا وزیرلیگی سرپرستی نورالدین عزیزی، افغانستان نینگ شمالی ولایت‌لریده‌گی نفت و گاز کانلری جغرافیه نقطه‌ی-نظریدن اۉزبېکستان گه یقین دیر و اولردن بو مملکت گه کیلیب سرمایه یاتقیزیش‌لرینی سۉره‌گن.
شونینگدیک، عزیزی جنابلری اۉزبېکستان کانلر و جیولوجی وزیرلیگی رسمی‌لریدن غزنی و هرات ولایت‌لریده مس کانی بولیمیده کېلیب سرمایه یاتقیزیش‌لرینی طلب قیلگن.
صناعت و سودا وزیرلیگی گه کوره، یقینده اۉزبېکستان‌لیک بیر هیئت مس و نفت کان‌لرینی تخنیکی نقطه‌ی-نظردن تېکشیریش اوچون افغانستان گه سفر قیلیشی ممکن.
بیزلرنینگ «ایکس» ترماغی ده هم تعقیب قیلینگ!
بوندن آلدین، اۉزبېکستان سودا و سرمایه یاتقیزووچیلری افغانستانده تورلی ساحه‌لر اینیقسه، نفت، برق بولیم‌لریده سرمایه یاتقیزیش گه علاقه کورستگنلر.
ایتیش کېره‌ک، اسلام امیرلیگی صناعت و سودا وزیرلیگی سرپرستی بیر هیئت ییتکچیلیگیده اۉتگن هفته ۱۳-سرطان، چهارشنبه کونی اۉزبېکستان پایتختی تاشکینت شهریده، افغانستان ایچکی محصوللری نینگ اوچ کون‌لیک کورگزمه‌سیده اشتراک اېتیش مقصدیده بو مملکت گه سفر قیلگن.
