سه‌شنبه کونی ۱۵-قوس مدافعه وزیرلیگی اوشبو وزیرلیک سرپرستی محمدیعقوب مجاهد بیلن بیرلشگن عرب امیرلیکلری دولتی نینگ اورین باسری و دوبی حاکمی شیخ محمد بن راشد آل مکتوم نینگ اوچره‌شگنیدن خبر بیرگن.
مذکور وزیرلیک نینگ کوپه‌یتیریشیچه، اوشبو اوچره‌شووده ایکی تامان ایکی مملکت آره‌سیده‌گی رابطه‌لرنی مستحکم‌لش و ایکی مملکت سوداگرلری اوچون سوداگرلیک خذمت‌لر نینگ آسانلشتریش و باشقه اونملی موضوع‌لر خصوصیده بحث قیلگنلر.
بیزلرنینگ توییترده هم تعقیب قیلینگ!
مدافعه وزیرلیگی سه‌شنبه کیچه ۱۵-قوس بیر توییت آرقه‌لی مذکور وزیرلیک سرپرستی محمدیعقوب مجاهد بیلن آمریکا بیرلشگن ملت‌لر تشکیلاتی نینگ خاص نماینده‌سی توماس وست بیلن اوچره‌شگنیدن خبر بیرگن.
مذکور وزیرلیک یازگن که، جناب مجاهد بیرلشگن عرب امیرلیکلر گه قیلگن سفری جریانیده، سه‌شنبه کونی بیرلشگن عرب امیرلیکلری نینگ پایتختی ابوظبی شهری‌ده توماس وست بیلن اوچره‌شیب و صحبت قیلگن. مذکور اوچره‌شووده ایکی تامان افغانستان مسئله‌لری خصوصیده بحث قیلگنلر.
مدافعه وزیرلیگی سرپرستی اوشبو اوچره‌شووده آمریکا خاص نماینده‌سی گه ایشانچ بیرگن که «افغانستان تینچ دیر، برچه سرحد‌لر و فرضی نقطه‌لر حفظ بولیب و افغانستان تامانی‌دن دنیا و منطقه مملکت‌لر گه هیچ قنده‌ی تهدید قره‌مه‌یدی و شونینگدیک افغانستان توپراغیدن هیچ بیر مملکت گه قرشی قوللنیلمه‌گن و قوللنیلمه‌یشی ممکن.»
مدافعه وزیرلیگی تاکید قیلگن که، اوشبو اوچره‌شوو نینگ آخری‌ده مذکور وزیرلیک سرپرستی توماس وست‌دن افغانستان حدودلری گه حرمت قایل بولیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، محمد یعقوب مجاهد جاری هفته شنبه کونی ۱۲-قوس، حکومتی بیر هیئت ییتکچیلیگی‌ده و رسمی بیر سفری‌ده، بیرلشگن عربی امیرلیکلر گه سفر قیلگن.
مدافعه وزیرلیگی مذکور وزیرلیک سرپرستی نینگ سفری‌دن مقصد، بیرلشگن عرب امیرلیکلر رهبری و اوشبو مملکت‌ده‌گی افغان‌لر بیلن اوچره‌شیش و اسلام امیر‌لیگی بیلن خلیج مملکت‌لر رابطه‌لری نینگ مستحکم‌لنیشی عنوان قیلگن.
