اسلام امیرلیگی باش وزیری‌نینگ اداری اورین‌باسری عبدالسلام حنفی، عالی مرتبه‌لی بیر هیئت ییتکچیلیگی‌ده اوزبیکستان گه سفر قیلگن.
اسلام امیرلیگی سوزلاوچیسی ذبیح‌الله مجاهد، اوتگن کون اوز اکس صحیفه‌سیده بیر بیانیه آرقه‌لی یازیشیچه، مذکور سفر افغانستان و اوزبیکستان آره‌سیده‌گی سیاسی، اقتصادی، اجتماعی و فرهنگی مناسبتلرنی مستحکم‌لش مقصد صورت تاپگن.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «افغانستان اسلام امیرلیگی هیئتی اوزبیکستان گه ییتیب بارگنی‌ده، اسلام امیرلیگی‌نینگ باشقه نماینده‌لری و ایلچی‌سی‌نینگ حضوری بولگنی بیرحالده، مذکور مملکت باش وزیری اورین‌باسری جمشید خواجه‌یوف آرقه‌لی کوتیب آلینگن.»
اسلام امیرلیگی سوزلاوچیسی‌نینگ کوپه‌یتیریشیچه، اوشبو سفر یکونی‌ده افغانستان و اوزبیکستان آره‌سیده‌گی مناسبتلر کوپراق مستحکم‌لنیب و تورلی ساحه‌لرده کوپینچه یوتوقلرنینگ قولگه کیلیشی کوتیلماقده.
بیزلرنینگ فیسبوک صحیفه‌میزگه باش اورینگ!
افغانستان گه قوشنی بولگن اوزبیکستان، اسلام امیرلیگی بیلن یقین مناسبتی بولگن مملکت‌لردن دیر و اوتگن اوچ ییل‌ده اوشبو مملکت‌نینگ نیچه رسمی‌سی افغانستان گه سفر قیلگن.
