اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملریدن بیرقطاری بیلن اوچره‌شووده، بو ولایت محلی مسئوللریدن مکتب، مدرسه، ساغلیق مرکزلر و سوو توغانلری قوریلیشی اوچون دقت قیلیش‌لرینی سوره‌گن.
ارگ، ۲۶-سنبله، دوشنبه کونی ایکس صحیفه‌سیده بیر بیانیه ترقه‌تیب، عبدالسلام حنفی فاریاب ولایتی دین عالملریدن بیرقطاری بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده حنفی جنابلری، اولکه بویلب خوفسیزلیک تأمین اېتیلگنیدن خورسندلیک بیلدیریب و اسلام امیرلیگی مملکت یشاوچیلری گه قولی‌لیک یره‌تیش اینیقسه مکتب، مدرسه، سوو توغان‌لرینی قوریش اوچون سعی-حرکت قیلماقده‌لیگیدن ایشانچ بیلدیرگن.
شونینگدیک، بو اوچره‌شووده فاریاب ولایتی دین عالملری اهالی نینگ قیینچیلیک‌لری حل اېتیلیشی و اولکه آبادانچیلیگی اوچون محلی مسئوللر بیلن همکارلیک قیلیماقده‌لیک‌لریدن ایشانچ بیرگنلر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی باش وزیری نینگ اداری اورین باسری ینگی‌لیکده جوزجان ولایتی ۲۰۰ بسترلیک کسلخانه نینگ امرجنسی بولیمی تمل تاشینی قویگن بیرحالده، فاریاب ولایتیده مکتب، مدرسه، ساغلیق مرکز و سوو توغانلری قوریلیشی اوچون دقت قیلینیشینی اېسته‌گن.
