اسلام امیرلیگی باش وزیری نینگ سیاسی اۉرین باسری محمد عبدالکبیر، حربی مسئوللر دن آدم اوغیرلاوچیلر و جمعیت ده ترتیب‌سیزلیکّه سبب بوله‌دیگن گروه‌لر گه قرشی «جدی چاره» کوریش‌لرینی سۉره‌گن.
عبدالکبیر بو سۉزلرنی ۱۵-حوت، سه‌شنبه، نیچه کون آلدین آدم اوغری‌لر قولیدن قوتقیریلگن عبدالفهیم اسملی باله نینگ عایله اعضالری بیلن اۉچره‌شوو ده بیان قیلگن.
بیزلرنینگ فیسبوک صحیفه‌میزگه باش اورینگ!
عبدالکبیر مذکور باله نینگ اوی ده او نینگ عایله اعضالری بیلن ملاقات قیلگن.
ارگ ایکس اجتماعی ترماغی ده، بو اۉچره‌شووده ایچکی ایشلر وزیرلیگی رسمی‌لری و کابل امنیه قوماندانی هم حضور تاپگن اېدیلر.
اسلام امیرلیگی باش وزیری نینگ سیاسی اۉرین باسری، آدم اوغری‌لر قولیدن عبدالفهیم نینگ آزاد قیلیش اوچون سرپرست حکومت حربی کوچلری نینگ سعی‌وحرکت‌لریدن منتدارلیک بیلدیرگن.
محمد عبدالکبیر، عبدالفهیم عایله اعضالری نینگ خوفسیزلیگی تأمین ایتیلیشی‌دن ایشانچ بیریب ایتیشیچه: «اهالی نینگ خوفسیزلیگی تأمین اېتیلیشی اوچون امنیتی اداره‌لر تون-کون تېنمسدن تلاش قیلماقده‌لر.»
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، ۱۲ یاشر عبدالفهیم، نیچه کون آلدین ۱۴ کوندن سۉنگ آدم اوغری‌لر قولیدن آزاد اېتیلدی.
عبدالفهیم نینگ عایله اعضالری گه کوره، آدم اوغری‌لر اونینگ قوییب یوباریش اۉرنیده، ۸۰۰ مینگ امریکالیک دالر سۉره‌گن اېکنلر.
ایچکی ایشلر وزیرلیگی سۉزلاوچیسی عبدالمتین قانع نینگ ایتیشیچه، عبدالفهیم نینگ قوییب یوباریش عملیاتی جریانیده ایکّی آدم اوغری اۉلدیریلگن. اونگه کوره، سۉنگی بیر ییل ایچیده آدم اوغری‌لیک گه دایر ۵۷ حجت تېکشیریلگن.
