اسلام امیرلیگی باش وزیرلیگی نینگ اقتصادی اورین باسری عبدالغنی برادر گه کوره، افغانستان تیز آره‌ده اوزینی اوزی تأمینله‌یدی.
جناب برادر بوگون (پنجشنبه، ۲۱ ثور) صناعت هفته‌سی مناسبتی بیلن کابل خلق‌ارا کورگزمه ده نطق سوزلب ایتیشیچه: «باشقه مملکت‌لر گه صادر قیلیش کوچ گه ایگه بولیشی‌میز کیره‌ک. ایشلب چیقریلگن نرسه‌لرنی کوریب جوده هم خورسندلیک بولدیم و تیزلیک بیلن اوزیمیزنی اوزیمیز تأمینلش تامان آلغه بارماقده‌میز.»
عبدالغنی برادر، انیق مملکت دن آت توتمه‌ی ایتیشیچه، دنیا حاضر هم افغانستان نینگ اقتصادی و سیاسی ترقیاتی اونگیده توسقین‌لیک قیلماقده؛ بیراق یشاوچیلر گه «افغانستان یوکسه‌لیش تامان حرکت قیلماقده‌لیگیدن ایشانچ بیره‌‌من.»
بیزلرنینگ فیسبوک صحیفه‌میزگه باش اورینگ!
جناب برادر گه کوره، ایشلب چیقریلگن نرسه‌لر صفتی و مقداری دن ایشانچ کامل بولگن تقدیرده، اسلام امیرلیگی برچه صناعت‌کارلر و سرمایه یاتقیزووچیلر بیلن همکارلیک قیلیش گه تیار دیر.
او نینگ کوپه‌یتیریشیچه: «افغانستان طبیعی منبع‌لر و خام ماده نقطه‌ی نظر دن بای به‌دولت مملکت دیر، اسلام امیرلیگی صناعت‌کارلر و سرمایه یاتقیزووچیلردن خودکفا بولیش اوچون اقدام قیلیب و صناعت‌کارلردن صناعت ساحه‌سیده دقت قیلیش‌لرینی طلب قیلگن.»
مذکور برنامه ده، اسلام امیرلیگی باش وزیرلیگی نینگ سیاسی اورین باسری عبدالکبیر گه کوره، افغانستان اوتگن ایکی ییل ده یخشی ترقی قیلیب و اوشبو مملکت نینگ بودجه‌سی ایچکی درآمد دن تأمینلنگن.
او نینگ کوپه‌یتیریشیچه: «افغانستان دنیا نی وصل قیلیش و ترانزیت یولی بولیش اوچون تلاش قیلماقده. بوندن کیین بویوک قدرت‌لر اوروشی، مرکزی گه اوزگرمه‌یمیز.»
بیزلرنینگ توییترده هم تعقیب قیلینگ!
اسلام امیرلیگی حاکمیتیدن کیین، افغانستان اقتصادی بحران گه دوچ بولگن و خلق‌ارا یاردم بیرووچی نهادلر نینگ معلوماتی اساسیده، اوتگن ییل ده افغانستان ده کمبغل‌لیک میزانی ۵۰ فایز آشگن.
بیرلشگن ملت‌لر تشکیلاتی نینگ معلوماتی اساسیده، حاضر افغانستان نینگ ۲۸ میلیون فقراسی انسان پرورلیک یاردم‌لر گه محتاج دیر.