بلخ ده مسئوللر، تورکمنستاننینگ انسانسیورلیک یاردملری افغانستان گه ییتیب کیلگنیدن خبر بیرگنلر. مسئوللرنینگ ایتیشلریچه، مملکت شمالیده یوز بیرگن زلزله نتیجهسیده زیان کورگنلرگه یاردم بیریش مقصد کورسهتیلگن بو یاردملر، (۱۷-عقرب، شنبه)، ایکی مملکت رسمیلرینینگ حضوری بیلن آقینه بندری آرقهلی مملکت گه ییتیب کیلگن.
بلخ ولایت مقامی اورینباسری نورالهادی ابوادریس، تورکمنستاننینگ ۳۴ میلیون افغانیلیک اوشبو یاردملریدن خورسندلیک بیلدیریب و ایتیشیچه، بو اقدام ایکی مملکتنینگ قوشنیچیلیک یخشی علاقهلر رمزی دیر.
شوندهی بیرحالده، مزارشریف ده تورکمنستان قنسولی بازار بای کعبهیوف جنرال، ایکی مملکت آرهسیدهگی قوشمه تاریخی، فرهنگی و مذهبی مناسبتلرگه تاکیدلب و ایتیشیچه، بو یاردملر کورسهتیلیشی تورکمنستان دولتینینگ قوشنیلری برابریده انسانسیورلیک قاعده-قانونیگه تعهدینی کورستهدی.
مملکت شمالیده یوز بیرگن سونگی زلزله نتیجهسیده، ۲۱ کیشی اولیب، ۱۰۰۰ دن آرتیق کیشی یرهلنگن و شونینگدیک مینگلب یشش اوی بوتونلی و قسمی شکلده بوزیلگن.
