قزاقستاننینگ آزیق-آوقت و باشقه نرسهلردن عبارت انسان سیورلیک یاردملری، حیرتان بندری آرقهلی بلخ گه یېتیب کېلگن.
کابلده قزاقستان ایلچیخانهسی کارداری گازیز اکباسوف، اوشبو یاردملر اون، یاغ، برنج، خیمه و کمپلدن عبارت بولیب بوگون (۲۸-حمل، پنجشنبه) سرپرست حکومت رسمیلری گه تاپشیریلگنینی معلوم قیلهدی.
اونینگ کوپهیتیریشیچه: «بو یاردملر بیر مینگ تُن اون، بیر مینگ ۲۴۳ تُن برنج، بیر مینگ لیتر یاغ، خیمه و کمپلدن عبارت بولیب و ۳۶ واگون ده حیرتان بندری گه یېتیب کېلیب و سرپرست حکومت رسمیلری گه تاپشیریلدی.»
بیزلرنینگ فیسبوک صحیفهمیزگه باش اورینگ!
شونینگدیک او، قزاقستان افغانستان خلقینی قۉللب-قوتلش گه متعهد بولیب و یاردملری دوام تاپیشیدن ایشانچ بیلدیرگن.
عینحالده، سرپرست حکومت مسئوللری، اوشبو یاردملرنی تسلیم آلیش چاغیده قزاقستاننینگ بو یاردمیدن منتدارلیک بیلدیریب و باشقه مملکتلردن هم افغانستاندهگی کمبغل کیشیلر اینیقسه ینگیلیکده مملکت گه قیتیب کېلگن مهاجرلرنی قۉللب-قوتلش اوچون یاردم بیریشلرینی اېستهیدیلر.
طبیعی آفتلرنی باشقریش وزیرلیگینینگ تشقی ریاست سرپرستی برهانالدین شینواری گه کوره: «انبارلر بوشهگن بیرحالده بو یاردملر یېتیب کېلگن و ینگیلیکده مملکت گه قیتیب کېلگن عایلهلرنی قۉللب-قوتلش اوچون یاردم گه محتاج میز.»
بیزلرنینگ «ایکس» ترماغی ده هم تعقیب قیلینگ!
مملکتده سیاسی اوزگریشلردن سۉنگ، بو؛ قزاقستاننینگ افغانستان خلقی اوچون تورتینچی انسان سیورلیک یاردمی سنلهدی.
بوندن آلدین بو مملکت تامانیدن یوللنگن یاردملر، بغلانده سوو تاشقینلریدن جبرلنگنلر اوچون توزیع بولگنی اېتیلهدی.
