هرات ده «آرمین فارما» کارخانه مسئوللرینینگ ایتیشلریچه، اوشبو شرکت ۹ آی آلدین سکیز میلیون دالر سرمایه بیلن اوز فعالیتینی باشلهگن.
مذکور کارخانه عمومی مدیری عبدالله رایاننینگ ایتیشیچه، حاضر ایسه بو کارخانهده ۷۸ قلم دارو ایشلب چیقریلیب و افغانستاننینگ ۳۰دن آرتیق ولایتیگه صادر بولهدی.
رایاننینگ کوپهیتیریشیچه، اوشبو کارخانهده ۶۰ دن آرتیق کیشی ایش بیلن شغللنگن.
شوندهی بیرحالده، هرات صناعت و کانلر اتاق باشلیغی و بو ولایت دارو ساتووچیلر بیرلشمهسی باشلیغی محمدناصر امینگه کوره، هرات صناعتی شهرچهسیده ایشلب چیقریلهدیگن دارولر خلقارا ستندردلر بیلن تولید بولیب و بازار گه چیقریلهدی.
جناب امیننینگ کوپهیتیریشیچه، حاضر افغانستان بویلب دارو ایشلب چیقریلهدیگن ۱۰۵ شرکتنینگ فعالیتی بولیب، مملکتده نیاز بولگن دارولر تامینلنیشیده مهم اورینگه ایگه دیر.
