سلام‌وطندار یاشلر نینگ تعلیم دن محروم بولیش رقمینی اینیقلش، تعلیم نینگ جمعیتده‌گی تأثیری، سلبی عاقبتی و یاشلر نینگ تحصل‌لریدن راضی‌لیگینی تېکشیریش اوچون کابل شهری ده سوراو اۉتکزگن. بو سوراو ده ۳۲۰ یاش جواب قیترگنلر. اوشبو سوراو ده ۳۲۰ کیشی دن ۶۳ نفری که ۱۹.۷ فایز دیر، عیاللر تشکیل بیره‌دی.
اوشبو سوراو ده جواب قیترگن ۳۲۰ کیشیدن ۱۸ نفری که ۵۷.۷ فایز دیر، تورلی دلیللر باعث تعلیم‌لری گه دوام بیره آلمه‌گنلرینی اېتگنلر. تعلیم دن محروم بولگنلردن ۵۵.۸ فایزی مکتب دن فارغ بولگن، ۲۰.۸ فایزی دستلبکی درس اوقیگن، ۱۸.۱ فایزی فوق بکلوریا درجه‌سیگه قدر درس اوقیگن و ۳.۸ فایزی هم سوادسیز دیر. ۵۱.۱ فایز یاشلر هم تعلیم‌لری گه دوام بیریشه آلمه‌گن، اولر تعلیم‌لری گه دوام بیره آلمسلیک سببینی اقتصادی قیینچیلیک، ۲۷.۱ فایزی علاقه‌سیزلیک و امیدسیزلیک، ۱۱.۷ فایزی عایله تامانیدن قۉللب-قوتلنمسلیک یا ده قانونی یاشنی تولدیرمسدن تورموش قوریش و ۱۰.۱ فایزی مملکتده تعلیم شرایطی یره‌تیلمسلیگی عنوان قیلگنلر.
اوشبو سوراو گه اشتراک اېتگنلردن ۱۹ یاشر محب‌الله نینگ ایتیشیچه، اقتصادی قیینچیلیک و شرایط یره‌تیلمسلیگی باعث مکتب نی بیتّیرمسدن ترک اېتگن. اونگه کوره: «اقتصادی قیینچیلیک و منطقه میزده‌گی اوروش باعث مکتب نی ترک اېتدیم؛ جوزجان ده یشه‌یمیز و جمهوریت تېزیمیده منطقه‌میزده اوروش بار اېدی؛ اوروش طفیلی آواره بولیب و مکتب نی ترک اېتیش گه مجبور بولدیم.»
بیزلرنینگ فیسبوک صحیفه‌میزگه باش اورینگ!
بو تېکشیرو ده قتنشگن و اجتماعی علوم فاکولته طلبه‌سی عابد سلطانی گه کوره، کېله‌جکّه امیدی یوق‌لیگی اوچون تحصیلی گه دوام بیره آلمه‌گن. عابد نینگ ایتیشیچه: «اجتماعی علوم فاکولته‌سی نینگ تاریخ بولیمیده درس اوقیگن من؛ اقتصادی قیینچیلیک و مملکت نینگ حاضرگی شرایطی باعث تحصیل گه دوام بیره آلمه‌دیم و اوچینچی سمستر ده تحصیل نی ترک اېتدیم.»
اوشبو تېکشیرو ده اشتراک اېتگن یاشلردن ۸۲.۲ فایزی کېله‌جک‌لریدن خواطرده‌لیگی و ۵.۹ فایزی آزراق خواطرده‌لیگی و ۶.۹ فایزی تحصیل قیلمه‌گنلری اوچون هېچ خواطرده اېمس‌لیکلرینی اېتگنلر.
ییتّینچی صنف ده مکتب نی ترک اېتگن عابد ولید گه کوره، کېله‌جک ده شفاکار بولیشنی اېستر اېدی؛ بیراق کمبغللیک باعث اېسته‌گیگه اېریشه آلمه‌گن. اونینگ کوپه‌یتیریشیچه: «کېله‌جکدن خواطرده من و تقدیریمیز نیمه بولیشنی بیلمه‌ی من، اۉزیم اوچون درس اوقیشنی اېسته‌ی من؛ بیراق اقتصادی قیینچیلیک باعث دوام بیره آلمه‌دیم و جوده هم خواطرده من.»
بیزلرنینگ «ایکس» ترماغی ده هم تعقیب قیلینگ!
بو تېکشیرو ده، تحصیل قیلگن یاشلر نینگ حیاتیده تعلیم تأثیری و اولر نینگ تعلیم گه حرمتی و مملکتده تحصیل شرایطی گه دایر فکر-ملاحظه‌لری تېکشیریلگن. سوراو گه جواب قیترگن ۴۴.۲ فایزی تحصیل آرقه‌لی درآمدلریدن آزراق راضی‌لیگی، ۳۴.۱ فایزی اصلا راضی اېمس‌لیگی، ۱۲.۴ فایزی کوپ راضی‌لیگی و ۹.۲ فایزی جوده هم کوپ راضی‌لیک‌لرینی اېتگنلر.
بو تېکشیرو ده یاشلر نینگ تحصیل و ایشی تېنگ‌لیگی تېکشیریلگن و اولر نینگ ۴۵.۸ فایزی تحصیل‌لری گه تېنگ ایشله‌یشی، ۲۹ فایزی تحصیل‌لری گه ضد؛ ۱۳.۷ فایزی تحصیل و ایشلری بیرآز ماس‌لیگی و ۱۱.۵ فایزی هم ایش‌سیز بولگنلرینی معلوم قیلگنلر.
ژورنالیزم فاکولته‌سیدن فارغ بولیب و حاضرگی کونده اوشبو بولیمده ایشلب کېله‌یاتگن حامد سادات گه کوره، خبرنگارلیک بولیمیده درآمدی آز بولیب و حاضر شخصی انستیتوت‌لردن بیریده ایش بیلن مصروف دیر. حامد نینگ ایتیشیچه: «قیینچیلیک طفیلی تحصیل گه ماس ایشله‌ی آلمه‌دیم؛ چونکه بو بولیم آرقه‌لی درآمدیم قانیقرلی اېمس اېدی و حاضر ایشله‌ی‌یاتگن بولیمدن راضی من.»
ژورنالیزم فاکولته‌سیدن فارغ بولگنلردن باشقه بیری یسنا امیری گه کوره: «محصل‌لیک پیتیده اوقیه‌یاتگن بولیمدن راضی اېدیم و بو بولیم آرقه‌لی یخشی وظیفه صاحبی بولیشنی اویلردیم؛ بیراق اۉزگریش‌لر و یره‌تیلگن چېکلاولر باعث اېسته‌گیمگه اېریشه آلمه‌دیم.»
تعلیم ایشلری بوییچه ایش بیلرمان‌لر نینگ ایتیشلریچه، آگاه‌سیز، تحصیلی کېله‌جکّه دایر امیدسیزلیک و ایش‌سیزلیک، یاشلر نینگ تحصیل‌لری گه دوام بیره آلمسلیکّه سبب بولگن.
تعلیم ایشلری بوییچه ایش بیلرمان جمال‌الدین سلیمانی گه کوره، بو معمالرنی حل اېتیش و یاشلرنی ترغیب اېتیش اوچون تحصیل دن سۉنگ ایش تاپیش کفالتی بیریلیشی کېره‌ک. «یاشلر امیدسیز دیر و بو امیدسیزلیک یالغیز اوروش اېمس؛ اقتصادی قیینچیلیک و کېله‌جکّه دایر امیدسیزلیک یاشلر نینگ تحصیل نی ترک اېتیشی گه سبب بولگن معما دیر.»
تعلیم جمعیت ترقیاتی اوچون مهم دیر، بیر کیشی نینگ اقتصادی ترقیاتی و جمعیتده‌گی تیریکچیلیگی یخشی‌لنیشی گه یاردم بیره‌دی؛ بیراق افغانستانده یاشلردن بیرقطاری اقتصادی قیینچیلیک طفیلی تعلیم دن محروم بولیب یا ده تحصیل نی ترک اېتیش‌لری گه سبب بوله‌دی.
