عیاللردن قطاری حاملهدارلیک دورهسینی بیتیریب و بیرینچی مرته آنه بولیشنی تجربه قیلیشدن کیین، افسردهلیککه چلینهدیلر. چقهلاقنی دنیا گه کیلتیریشدن کیین افسرده بولیش، ینگی بیر موضوع ایمس؛ بیراق بو کسللیک حاضرگچه کوپینچه کیشی تامانیدن تانیلمهی یا-ده شرملی بیر موضوع حسابلنهدی.
تورت آی آلدین بیرینچی فرزندینی دنیا گه کیلتیرگن هرات یشاوچیسی بولمیش ۲۸ یاشر زهرانینگ سلاموطندار گه ایتیشیچه، صبرسیزلیک بیلن آنه بولیشنی کوتگن؛ لیکن بالهسینی دنیا گه کیلتیرگنیدن سونگ، روحی تغییرلر بیلن روپهره بولگن.
اونینگ کوپهیتیریشیچه: «توشینهیدیم که مینی هیچ نرسه خوش قیلمهیدی؛ بعضا ایغلهر ایدیم، اویقوم یوق ایدی و یخشی بیر آنه بولمهگنیمنی حس قیلهر ایدیم که بو حالت مینی جودهیم اذیت قیلهر ایدی.»
بیزلرنینگ فیسبوک صحیفهمیزگه باش اورینگ!
یلدا، بو کبی بیر وضعیتنی تجربه قیلگن هرات دهگی آنهلردن باشقه بیری دیر. قیزینی دنیا گه کیلتیریشدن کیین جدی بیر شکلده تشویش قیلیشگه چلینگن یلدانینگ ایتیشیچه، افسردهلیککه چلینیش سبب، چقهلاغینی آرام قیلیش اوچون کوچی کمهیگن.
اونینگ کوپهیتیریشیچه: «هیچ کیم مینی افسرده بولگنیمگه ایشانمس ایدی. اویده برچه کیشی مینی درست آنهلیک قیله آلمسلیگیمنی ایتهر ایدی و کوپینچه پیت قینآنهم قیزیمنی آلیب و اونی اوزی آرام قیلهر ایدی.»
باشقه بیرتاماندن، هرات ده نسایی-ولادی شفاکاری لیلا احمدینینگ ایتیشیچه، توغیشدن کیین افسرده بولیش، توغیشدن سونگ عیاللر آرهسیده اینگ کوپ ترقهلگن روحی قیینچیلیکلردن بیری دیر که، اونینگ اصلی سببی ایستهمسدن حاملهدار بولیش و تورموشدهگی ناراضلیک دییلهدی.
اونینگ کوپهیتیریشیچه: «توغیشدن کیین افسرده بولیش، بیر وضعیت دیر که اونینگ نشانهلری قیغو، توشینیش و ایغلش دیر و اونینگ اصلی سببلریدن بیری، آنهنینگ بوندن آلدین روحی یا-ده افسردهلیک قیینچیلیکلری بارلیگی، ایستمهسدن حاملهدار بولیش، ناتوغری اقتصادی وضعیت، تورموشدهگی ناراضلیک، سزارین یا-ده عایله تامانیدن حمایت کملیگی دیر.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، روانشناسلردن بنفشه محبیگه کوره، آنهلرنینگ اینیقسه توغیشدن کیین روحی ساغلیگینی نظرگه آلمس، چقهلاقنینگ عاطفی و ذهنی رواجلنیشی توغریسیده کوپینگه عاقبتلرگه سبب بولیشی ممکن.
اونینگ کوپهیتیریشیچه: «چقهلاقنینگ عاطفی و روحی رواجلنیشینینگ کیچیکتیریلیشی، تانیماق و تیلی رواجلنیشیگه تاثیر قوییشی، جسمی و سلامتلیک قیینچیلیگیگه چیلینشی و حتا آنهنینگ سوتی بیلن آوقتلنیشده قیینچیلیک بیلن روپهره بولیشی ممکن.»
ایتیش کیرهک که، توغیشدن کیین افسردهلیک علایملری حقیده آگاهیلیک بیریش دستورلری اوتکزیلیشی، روحی موضوعلری بوییچه خذمتلر یرهتیلیشی و ینگیلیکده توغگن آنهلردن اجتماعی حمایت قیلیش بیلن، عیاللرنینگ توغیشدن کیینگی افسردهلیککه چلینیشی آلدینی آلیش ممکن.
