کابل شهریدهگی تیلنچی‌لردن قطاری نینگ ایتش‌لریچه، حکومت تامانیدن آت‌لری آلینگنیدن نیچه آی اوتگن؛ بیراق حاضرگچه هیچ قنده‌ی یاردم قولگه کیلتیرمه‌گنلر.
عین حالده، کابل شهریدهگی تیلنچی باله‌لردن قطاری نینگ ایتیش‌لریچه، ایچکی ایشلر وزیرلیگی تامانیدن نیچه مرته بایومتریک بولیب و اولر گه یاردم بیریلیشی وعده بیریلگن، بیراق حاضرگچه هیچ یاردم قولگه کیلتیرمه‌گنلر.
مذکور تیلنچی باله‌لردن بیری ۱۰ یاشر مجیب‌الرحمان نینگ ایتیشیچه، او آلتی یاشر ایناغه‌سی بیلن اسلام امیر‌لیگی کوچلری تامانیدن یاردم قولگه کیلتیریش اوچون نیچه مرته بایومتریک بولگن و شونینگدیک بیر مرته ایسه تیلنچ‌لیک قیلیش اوچون قماق‌خانه گه تشلنیب و تهدید بولگن؛ لیکن حاضرگچه یاردم قولگه کیلتیرمه‌گنی سبب، ینه هم باشقه‌لر گه قول اوزه‌تیب یاردم ایسته‌یدی.
بیزلرنینگ فیسبوک صحیفه‌میزگه باش اورینگ!
مجیب‌الرحمان نینگ کوپه‌یتیریشیچه: «بو اوچینچی مرته دیر کیم، سینی تشقریده کوره‌میز. سینی قماق‌خانه گه تشله‌یمیز که آته و آنه‌ینگ هم کوره آلمه‌سین دیدیلر. لیکن اوی‌ده نان یوق و نیچه نان نی پولی نی تاپیش و کونی‌میز اوتیشی اوچون مجبور‌لیک دیر.»
کابل ده‌گی تیلنچی‌لردن باشقه بیری احمدضیا نینگ ایتیشیچه، حاضرگچه ایکی مرته بایومتریک بولگن؛ بیراق هیچ قنده‌ی یاردم قولگه کیلتیرمه‌گن.
اونینگ ایتیشیچه: «ایکی مرته مینی قولگه آلدیلر، بیرینچی مرته مینی حبس گه تشله‌ب و بایومتریک قیلدیلر و ایکینچی مرته هم بایومتریک قیلیب و کیین قوییبیر‌دیلر. بیرینچی مرته بایومتریک بولگنیم نی هیچ بیلمه‌دیلر. زنگ اوریش‌لری نی ایتدیلر. هیچ زنگ اورگن‌لری یوق.»
آی‌لردن بیری اسلام امیر‌لیگی تامانیدن تیلنچی‌لر توپلنیش کمپاینی نینگ دوامی بار؛ بیراق حاضرگچه شهر سطحی‌ده تیلنچی‌لر نینگ حضوری بار.
۶۰ یاشر محمدحسین نادارلیک و قشاق‌لیک سبب، اهالی گه قول اوزه‌تیب و تیلنچی‌لیک قیلیش گه مجبور دیر. اونینگ ایتیشیچه: «بایومتریک بولگنیم‌دن ایکی آی‌دن کوپ بولدی، لیکن حاضرگچه هیچ یاردم قولگه کیلتیرگنیم یوق.»
لیلا معتاد تورموش اورتاغی بیلن ایرتنگ‌دن آخشم‌گچه، بیر لقمه نان تاپیش اوچون کابل شهری‌ده تیلنچی‌لیک قیله‌دی. اونینگ ایتیشیچه: «بایومتریک قیلدیلر و ایکینچی مرته تیلنچی‌لیکده کورگنی‌میز پیتده، حبس قیلیش‌لری نی ایتدیلر. لیکن نه پول و نه هم یاردم بیردیلر، مجبور‌میز ینه هم تیلنچی‌لیک قیلسه‌ک.»
بیزلرنینگ توییترده هم تعقیب قیلینگ!
شونده‌ی بیرحالده، افغانی قیزیل آی جمعیتی نینگ عمومی ریاستی، حاضرگچه کابل بوییلب ۶۴۱ تیلنچی عایله گه یاردم بیریب و اوشبو پروسه نینگ دوام تاپیشی نی بیان قیلگن.
افغانی قیزیل آی جمعیتی اداره مسئوللریدن مغفرالله شهید‌زوی، تیلنچی‌لردن قطاری نینگ یاردم قولگه کیلتیرمه‌یشی خصوصیده ایتیشیچه: «حاضرگچه مذکور کیشی‌لر گه وثیقه بیریلمه‌یشی بیر قیین‌چیلیک ایدی و اوشبو قیین‌چیلیک ایسه بو هفته حل بوله‌دی. مذکور تیلنچی‌لردن برچه‌سی یاردم بیریلمه‌یدی چونکه اولردن بیر قطاری حرفه‌یی دیر و اولر گه یاردم بیرمه‌یمیز.»
عین حالده، الوزرا ریاستی نینگ اقتصادی اورین‌باسرلیگی آرقه‌لی ارایه بولگن سونگی آمار اساسیده، کابل شهریدن ۱۹ مینگ و ۷۲ تیلنچی نی توپله‌گنلر که، اولردن ۱۰ مینگ و ۹۰۱ ته‌سی عیاللر و ۱مینگ و ۷۳۷ ته‌سی ایرککلر دیر.
