فواید عامه وزیرلیگی سرپرستی محمدعیسا ثانی، ۲۰-دلو، شنبه کونی کابلده چین ایلچیسی ژاو شینگ بیلن واخان یولی و افغان-ترانس لایحهسی حقیده بحث اېتیشلریدن کېین، اسلام امیرلیگی سۉزلاوچیسی ذبیحالله مجاهد، ایکّی تامان واخان یولی آرقهلی افغانستان چین بیلن باغلنیش مسئلهسی حقیده بحث اېتگنلر و بوتوغریده ضروری بعضی ایشلر عملگه آشیریلگنینی اېتگن.
مجاهد جنابلرینینگ کوپهیتیریشیچه، بوندن آلدین افغانستان امنیتی گه دایر چیننینگ تشویشلری، بو سرک ایشی عملگه آشیریلیشی اوستیگه سلبی تأثیر قویگن اېدی؛ بیراق حاضر بو قیینچیلیک حل بولگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «افغانستان بوتوغریده بوتون سعی-حرکتلرنی قیلگن و بو ییل واخان زمینی یول بیلن چین گه باغلندی؛ بوتوغریده بعضی ایشلر عملگه آشیریلگن.»
یقینده، واخان یولی بعضی ایشلری عملگه آشیریلیش گواهی بولهمیز دیېدی، اسلام امیرلیگی سۉزلاوچسی ذبیحالله مجاهد.
فواید عامه وزیرلیگی سرپرستی، اوتگن کون کابلده چین ایلچیسی بیلن اوچرهشووده، واخان یولی تېکشیریش ایشی یکونلنگنیدن خبر بیریب و دیزاینی اوستیده ایش آلیب باریلماقدهلیگینی معلوم قیلگن.
تامانلر اوشبو اوچرهشووده، واخان یولی عملگه آشیریلیشی اوچون همکارلیک بولیشی گه تأکید اېتگنلر.
بیزلرنینگ «ایکس» ترماغی ده هم تعقیب قیلینگ!
بوندن آلدین، چین و خلقارا یېتکرمهلر، چیننینگ افغانستان امنیتیدن تشویشده بولگنینی واخان یولی عملگه آشیریلیش ایشی گه سلبی تأثیر قویگنینی اېتگن اېدیلر.
اقتصادی و خلقارا مناسبتلر ایش بیلرمانلری، امنیتی تشویشلر یانیده منطقه و قۉشنی مملکتلر بیلن افغانستاننینگ قۉشمه اقتصادی بویوک لایحهلریدن بیرقطارینینگ ایشی سُستلیگینی، اوزگریش، سیاسی احوال نامعلوملیگی و اقتصادی قیینچیلیک عنوان قیلهدیلر.
بوندن آلدین، اسلام امیرلیگی بدخشان ولایتی واخان خامه یولینینگ قوریش ایشی چین چېگرهسی گه قدر یکونلنگن و افغانستان تیزلیکده زمینی یول بیلن چین گه باغلنیشی ممکن دیگن اېدی.
۵۰ کیلومتر اوزونلیکده، بدخشان واخان سرکینینگ قوریلیش ایشی میلادی ۲۰۲۱-ییلده بدخشاندن باشلندی، قوریلیش ایشی توگهشی بیلن افغانستان چیننینگ سین کیانگی بیلن باغلنهدی.
