کاپیسا ولایتی حصه اول کوهستان تومنیده بیر آنه، قیز بالهسینی رودخانهدن قوتقریش گه حرکت قیلهیاتگنده اۉزی سوو گه چوکیب هلاک بولگن.
کاپیسا امنیه قوماندانلیگی سۉزلاوچیسی عبدالفتاح فائز گه کوره، ۲۳-جوزا، جمعه کونی بیر آنه اوشبو ولایتنینگ حصه اول کوهستان تومنی گلبهار رودخانهسیده بالهسینی سوو گه چوکیب کېتیشدن قوتقریش گه حرکت قیلهیاتگنده، اۉزی چوکیب کېتگن.
بیزلرنینگ فیسبوک صحیفهمیزگه باش اورینگ!
فائز جنابلری گه کوره، آنه و باله ایکیلهسی قربان بولگنلر.
کاپیسا امنیه قوماندانلیگی سۉزلاوچیسی، بو ایککی کیشینینگ جسدلری امنیتی کوچلر و محل یشاوچیلری تامانیدن سوودن چیقریلگنینی معلوم قیلگن.
شونینگدیک عبدالفتاح فائزنینگ ایتیشیچه، پروان ولایتی سیاهگرد تومنی اصلی یشاوچیسی بولمیش شکیبالله اسملی ۱۹ یاشر بیر ییگیت، اوتگن هفته یکشنبه کونی صیاد رودخانهسیده سووده سوزیش پیتیده چوکیب هلاک بولگن اېدی، جسدی امنیتی کوچلر تامانیدن سوودن چیقریلگن.
بیزلرنینگ «ایکس» ترماغی ده هم تعقیب قیلینگ!
سۉنگی هفتهلرده، کاپیسا و مملکتنینگ باشقه ولایتلریده خودّی شو کبی واقعهلر یوز بیرگنی اېتیلهدی.
هر ییلی هوا ایسیشی بیلن، مملکتنینگ تورلی ولایتلریدن کوپینچه یشاوچیلر ردوخانهلرده سووده سوزیش پیتیده چوکیب و هلاک بولهدیلر.
