بوگون کابل ده یوکسک اوقوو وزیرلیگی و ملی ترقیات کمپنیهسی اۉرتهسیده همکارلیک شرطنامه امضالنگن. یوکسک اوقوو وزیرلیگی مسئوللری، اوشبو همکارلیک شرطنامه ترقیاتی لایحهلرنی عملگه آشیریش و مملکت بیلیم یورتلری نینگ استادلری و طلبهلری اوچون عملی ایشلر گه زمینه یرهتیش مقصدیده امضالنگنینی معلوم قیلهدیلر.
یوکسک اوقوو وزیرلیگی سرپرستی ندا محمد ندیم گه کوره: «ملی ترقیات کمپنیهسی نینگ عملی ایشلری امکانیتلریدن کوپراق قوللنه آلهمیز و بو شرطنامه نینگ بیلیم یورت استادلری و طلبهلر اوچون کوپراق اهمیتی بار.»
بیزلرنینگ فیسبوک صحیفهمیزگه باش اورینگ!
عینحالده، ملی ترقیات کمپنیهسی مسئوللری، حاضرگی کونده ملَکهلی کیشیلر نینگ کمچیلیگی بیلن روپهره لیکلرینی اېتهدیلر.
ملی ترقیات کمپنیهسی باشلیغی عبدالرحمان عطاش گه کوره، اوشبو شرطنامه عملگه آشیریلگن حالده، مملکت بیلیم یورتلری نینگ استادلری و طلبهلری اوچون صناعت، کانلر و ایکینچیلیک بولیملریده عملی ایشلر زمینهسی یرهتیلهدی.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «ملی ترقیات کمپنیهسی و یوکسک اوقوو وزیرلیگی اۉرتهسیده هماهنگلیک بولیشی اوچون همکارلیک شرطنامه امضالندی.»
ملی ترقیات کمپنیهسی مسئوللری، حاضرگی کونده اوشبو کمپنیه تامانیدن مملکتده ۵۰۰ دن کوپراق ترقیاتی لایحهلر نینگ عملی ایشی دوام اېتماقدهلیگینی اېتهدیلر.
