۱۰ مینگ میگاواتلی برق ایشلب چیقریش و انتقال بیریش شرطنامه، ۱۰ میلیارد دالر سرمایه یاتقیزیش بیلن اسلام امیرلیگی سوو و برق وزیرلیگی و عزیزی شرکت آرهسیده امضالندی.
سوو و برق وزیرلیگی سرپرستی عبداللطیف منصور، بوگون (۱۱-اسد، شنبه) کابلده اوشبو شرطنامهنی امضالش مناسبتی بیلن اوتکزیلگن ییغیلیشده، افغانستان برق ایشلب چیقریش اوچون یخشی منبعلر گه ایگه و بو بولیمده سرمایه یاتقیزیلیشی کېرهک دیگن.
بیزلرنینگ فیسبوک صحیفهمیزگه باش اورینگ!
سوو و برق وزیرلیگی سرپرستی، بو شرطنامه امضالنیشینی سرپرست حکومت اوچون مهم یوتوق اتهگن.
شونینگدیک، افغانستانلیک سوداگر و عزیزی گروپ باشلیغی میرویس عزیزی، ۱۰ میلیارد دالرلیک ۱۰ مینگ میگاواتلی برق ایشلب چیقریلیشی بیلن، افغانستان خلقینینگ برق نقطهی نظردن بولگن احتیاجلری حل بولیب و اولر دایمی برق بیلن تأمینلنیشلرینی بیلدیرگن.
بیزلرنینگ «ایکس» ترماغی ده هم تعقیب قیلینگ!
عزیزی جنابلری گه کوره، بو لایحه عملگه آشیریلیشی بیلن مستقیم طرزده مینگلب کیشی ایش بیلن تأمینلنهدی.
شونینگدیک اوشبو سوداگرنینگ کوپهیتیریشیچه، افغانستان چیت ایل مملکتلرنینگ یاردمی بیلن رواجلنمهیدی، بلکه همکارلیک و سرمایه یاتقیزیش بیلن توزیش اوچون سعی-حرکت قیلیش کېرهک.
