حریر، عیاللر و یاشلر گه ییترلی تعلیمی برنامهلرینی کورسهتیشدن کیین، اولرگه قالین توقیش کارگاهلرینی ترقهتگن که اویلریده قالین توقیب و بو یول آرقهلی درآمد قولگه کیلتیرسینلر. «۱۲۰ کارگاهمیز بار که بو کارگاهلرده ۶۰۰ کیشی ایش بیلن شغللنگن. اولرگه بو کارگاهلرنی ترقهتهمیز و اولر اویلریده قالین توقهدیلر. قالین توقهدیگن کیشیلر هم تشقریده ایشله آلمهگن قیزلر و عیاللر دیر. حکومتدن بیزلر بیلن همکارلیک قیلیشینی ایستهیمیز.»
بیزلرنینگ «ایکس» ترماغی ده هم تعقیب قیلینگ!
عبدالمنان حریرنینگ ترقهتگن قالین توقیش کارگاهلری، پروان شهری و قیشلاقلریده کوپینچه قیز و عیالنی ایشسیزلیکدن اوزاق قیلیب و چیرایلی قالینلرنینگ توقیلیش تامان آلیب بارگن که بو قالینلر، عیاللرنینگ زحمتی بیلن توقیلیب، افغانستان ایچیده و تشقیده مشتریلرگه ایگه بولگن.
اوییده قالین توقیش بیلن شغللنگن کیشیلردن عایشهنینگ ایتیشیچه، حاضر قالین توقیش آرقهلی پول قولگه کیلتیریب و نیازلرینی تامین قیله آلیشیدن خورسند دیر. «مین اوزیم بو توغریده ایشلهیمن و پول قولگه کیلیترهمن. دولتدن ایشسیز و سرمایهسیز عیاللر گه قالین توقیش زمینهلرینینگ یرهتیشینی ایستهیمن.»
پروان مرکزی چاریکار شهریده عبدالمنان حریر تاماندن بیرته قالین توقیش کارگاهسینی قولگه کیلتیرگن قیزلردن باشقه بیری ناجیهنینگ ایتیشیچه، عایلهلریده بیش کیشی هر کونی قالین توقیب و آینینگ آخریده نیچه مینگ افغانی قولگه کیلتیرهدیلر. «بیش کیشیمیز و آلتی مترهلیک قالیننی بیر آیده یکونلنتیرهمیز و بو بیزلر اوچون بیر فرصت دیر.»
بیزلرنینگ فیسبوک صحیفهمیزگه باش اورینگ!
شونینگدیک حریر جنابلری آرقهلی یرهتیلگن بو فضاده ییگیتلر هم ایش بیلن شغللنگن. مذکور ییگیتلر باشقه کیشیلردن ایشسیز اولتیریش اورنیده بو کبی مهارتلرنی اورگهنیشگه یوز کیلتیریب و درآمد قولگه کیلتیریشلرینی ایستهگنلر. اوشبو ییگیتلردن بیری مصورنینگ ایتیشیچه: «هر قندهی نقشه بولسه، بیزلر توقه آلهمیز. تشقریده ایش بولمسهده، بیزلر اویده عایله بیلن بیر لقمه حلال نان قولگه کیلتیریش اوچون قالین توقهمیز.»
پروان سودا و صناعت باشلیغی ایمل نیکمل آغا، تدبیرکارلرنینگ قوللب-قوتلنیشینی اعلام قیلیب و ایتیشیچه، اولرنینگ ایشلری رواجلنیشی اوچون بو ریاست هر قندهی همکارلیککه تیار دیر. «بیر کورگزمهنی آچیشگه پلانیمیز بار. بو ییرده ثبت بولمهگن هر بیر تدبیرکار هم صناعتلرینی آلیب کیله آلهدی که کیلهجکده اولر اوچون بیر فایده بولسین. باشقه ریاست آرقهلی هر قندهی همکارلیک بولسه، بیزلر خذمت قیلیشگه تیارمیز.»
حریر قالین توقیش ایشخانهسی آچیلگنی، یوزلب کیشیگه ایش فرصتینی یرهتگنیگه علاوه، ایش یرهتیش فکریگه ایگه بولگن و اوزینینگ رواجلنیشی یانیده باشقهلرگه ایش زمینهسینی یرهتماقچین بولگن کیشیلر اوچون بیر الگو بوله آلهدی.
