بدخشان ولایتیدن دولتی بولمه‌گن منبعلرنینگ ایتیش‌لریچه، اوشبو ولایت نینگ کوهستان تومنیده ملی اردو کوچلری تامانیدن اویوشتیریلگن هوایی هجوم عاقبتیده، مردمی کوچلر بیر قومندانی شامل ۱۳ ته‌سی هلاک و باشقه ۸ ته‌سی یره‌لنگن.
دولتی منبعلر بوتوغریده معلومات بیریش‌نی ایستمه‌گن، بیراق محل یشاوچیلری نینگ ایتیش‌لریچه، مذکور هوایی هجوم اوتگن کیچه کوهستان تومنی نینگ «پس پل» منطقه‌سیده اویوشتیریلگن.
عین‌حالده، نماینده‌لر کینگشی عضوی ذبیح‌الله عتیق نینگ فیسبوک صحیفه‌سیده یازیشیچه: «قیغو بیلن مملکت هوایی کوچلری کوهستان تومنیده فاجعه خلق قیلگن، قومندان پهلوان عاشور ۱۲ عسکری بیلن شهید بولگن.»
بدخشان پولیس قومندانلیگی سوزلاوچیسی ثناءالله روحانی نینگ صوتی بیر نوار نشر قیلیب ایتیشیچه، کوهستان تومنی موضوعی مدافعه وزیرلیگی‌گه تیگیشلی دیر و پولیس قومندانلیگی سوزلاوچیسی بوتوغریده معلومات بیره آلمه‌یدی.
بدخشان امنیتی نهادلری بوتوغریده صحبت قیلمه‌گن.
