ساعت ایرتهلبکی ۹:۰۰. کابل شهرینینگ اېنگ گوجوم سرکلریدن بیریده ۷۰ یاشر بیر کیشی صبر و مخصوص دقت بیلن، ییللر و اولاد دن-اولاد قالگن بویوملرنی یانمه-یان تیرماقده؛ بو بویوملر تاریخ و تورلی خلقنینگ مدنیت گوزهلیکلرینی عکس اېتّیرهدی.
بولر فقط سودا اوچون بولگن توارلر اېمس، بلکه استه-سیکین تمدن و مدنیتلردن یوقالیب بارهیاتگن ساکن ایلچیلر دیر.
محمدنعیم، ۳۰ ییلدن آرتیق عمرینی اوشبو قدیمی و سنتی اشیالرنی ییغیش و ساتیش گه بغیشلهگن؛ بوگون اېسه اونینگ بوریشگن قوللری و پیشانهسیدهگی چیزیغلر، اونینگ ییللر بویلب سعی-حرکت نتیجهسی گواهی دیر.
اونگه کوره: «مین قدیمی یادگارلیکلر و اېسکی عتیقه بویوملرنی، اېسکی پوللرنی ساتهمن؛ ایلگری ایشلهتیلگن بویوملرنی یاتقیرهدیگنلر اولرنی ساتیب آلیشهدی؛ مثلاً عقیق تاشی بار، عادی حقیق، تسبیح اوزوک بار؛ آدملر بولرنی کییب و اویلریده سقلهیدیلر.»
بیزلرنینگ فیسبوک صحیفهمیزگه باش اورینگ!
محمد نعیم اوتمیشده ایش بازاری قیزغین بولگن کونلرنی اېسلهیدی، اوشه پیتلر کوپ مشتری کېلیب و شور و شوق بیلن دکانی فضاسیگه جان بغیشلردی. بیراق اونگه کوره، حاضر زمانهوی یارقین محصولاتلر بازاری رواجلنیشی بیلن، آدملرنینگ عنعنوی بویوملری و قدیمی اشیالر گه قیزیقیشی کمرنگ بولگن.
اونینگ کوپهیتیریشیچه: «کیم که بو بویوملر و سنتی اشیالر قدرینی بیلمسه، بیپل بیرسم هم آلمهیدی؛ حاضر آدملر کوپراق آلتین و باشقه نرسهلرنی یاقتیرهدی و بو میراثنی ایسدن چیقریشگن.»
محمدنعیمنینگ ایتیشیچه، اوتگن ییللرده خارجی مهمانلر اونینگ دایمی و اشتیاقلی مجازلری بولیشگن. اولر بو سنتی بویوملرنی جوده قدرلر و کوپینچه اولرنی یقینلریگه مخصوص ساوغه صفتیده مناسب نرخلرده ساتیب آلیشر اېدیلر.
بیزلرنینگ «ایکس» ترماغی ده هم تعقیب قیلینگ!
اونگه کوره، قدیمی و سنتی بویوملر تشقی دبدبه گه ایگه بولمسه هم، اولر اۉزیده بیر خلقنینگ اولاددن-اولاد گه اوتگن مدنیتی و اۉزلیگینی سقلش قدریتینی مجسم اېتهدی. شو سببلی، آدملر بو بویوملرنی اسرهب-آویلش گه اعتبار قرهتیشلری کېرهک. «بو بیزنینگ مدنیتیمیز و اۉزلیگیمیز، قدیمی عنعنهلریمیزدن، اما آدملر بو گپلرنی کوپدن بیری اونیتیشگن، حاضر اېسه آلتین و شونگه اوخشش نرسهلر مهم بولیب قالگن.»
عادی عقیق تاشلر، تسبیح، اوزوک، مسدن یسلگن بویوملر، افغانستان تاریخینینگ تورلی دورلرگه عاید بانکناتلر و تنگهلر، قدیمی ایدیشلر همده عیاللر تقینچاقلری-بولرنینگ برچهسی محمدنعیمنینگ کېنگ یسلگن رستهسیده یول چیتیده تیریب قوییلگن اشیالریدن دیر.
نعیم گه کوره، ییللر دوامیده اوشبو کسبنی ایرتهلبدن کیچگچه و قیزیقیش بیلن بجرگن، بیراق اوشبو کونلر او بازار گه ساتیش اوچون اېمس، بلکه اوینینگ تورت دیواریدن کېلگن غمگینلیکلردن قاچیش اوچون بازار گه کېلهدی؛ کوپراق وقتینی اېسه همقطار اورتاقلری بیلن صحبتلشیب و چای ایچیب اوتکزهدی.
