پروان محلی مسوول‌لری نینگ ایتیش‌لریچه، اوشبو ولایت نینگ جبل‌السراج تومنیده قورالی اوغیرلاوچی‌لرنینگ مسکونی بیر اوی‌گه هجوم قیلگنلری سبب، بیر عیال هلاک و باشقه بیر کیشی یره‌لنگن.
جبل‌السراج ولسوالی سیف‌الله بیدار نینگ سلام‌وطندارگه ایتیشیچه، قوراللی اوغیرلاوچی‌لر اوتگن کیچه ساعت ۹ ده اوشبو تومن نینگ «خواجه‌خیل» منطقه‌سیده مسکونی بیر اوی‌گه هجوم قیلگنلر.
جبل‌السراج ولسوالی‌گه کوره، اوغیرلاوچی‌لر عایله نینگ اعضالری‌نی مقاومتی بیلن روپه‌ره بولگنیدن سونگ، اوق آتگنلر و نتیجه‌ده ۴۵ یاشیده بولگن بیر عیال هلاک و اونینگ یاش اوغلی یره‌لنگن دیر.
جناب بیدار نینگ کوپه‌یتیریشیچه، اوغیرلاوچی‌لر بیللی بولگن و تیزلیک‌که قولگه آلینیشی ممکن.
ایتیلیشیچه، مذکور عایله باشقه بیرقطار عایله بیلن شراکت بیر ییرنی آستیب آلیش‌گه قرار قیلیب و پول توپله‌گن ایکن و اوغیرلاوچی‌لر توپلنگن پول‌نی آلیب کیتیش اوچون اوشبو اوی‌گه هجوم قیلگن.
