فاریاب ولایتی محلی مسئوللری، اوشبو ولایتده سوو تاشقینی عاقبتیده ۱۳ یاشر بیر قیز هلاک بولگنیدن خبر بیرگنلر.
فاریاب ولایتی معلومات و مدنیت باشلیغی شمس‌الدین محمدی بیر بیانیه ترقه‌تیب، ۳۱-جوزا، پنج‌شنبه کونی مذکور ولایت نینگ بلچراغ تومنیده سوو تاشقینی عاقبتیده ۱۳ یاشر بیر قیز هلاک بولگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونگه کوره، واقعه طفیلی اوشبو قیز نینگ قربان بولیشی گه قوشیمچه بلچراغ و گرزیوان تومن‌لری اهالیسی مالی نقصان کورگنلر.
عین‌حالده، سرپرست حکومت ترانسپورت و هوا یوللری وزیرلیگی ایکس اجتماعی ترماغیده بیر بیانیه ترقه‌تیب مملکت نینگ بیرقطار ولایت‌لریده کوچلی یامغیر یاغیب، سوو تاشقینی و بوران یوز بیریشیدن آگاه‌لنتیرگن اېدی.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، مملکت نینگ بیرقطار ولایت‌لریده سۉنگی کون‌لرده‌گی یاغینچیلیک و سوو تاشقین‌لری یشاوچیلر گه جانی و مالی نقصان یېتکیزگن.
