تورکیه، بو مملکتنینگ یوقاری مرتبهلی عملدارلری اشتراکیده بیر هیئت اوشبو هفته پاکستان گه باریشینی معلوم قیلگن. بو هیئت پاکستان رسمیلری بیلن کابل و اسلامآباد اورتهسیده مذاکرهلرنینگ قیته باشلنیشی احتمالی حقیده صحبت قیلهدی.
تورکیه جمهور باشلیغی رجب طیب اردوغان، بو هیئت ترکیبیده تشقی ایشلر و مدافعه وزیرلری همده تورکیه ملی استخبارات باشلیغی بولگنینی معلوم قیلگن. رویترز گه کوره، تورکیه هیئتی استانبول شهریده افغانستان و پاکستان اورتهسیده اۉتکزیلگن نتیجهسیز مذاکرهلر قیته باشلنیشی گه زمینه یرهتیش اوچون پاکستان گه بارهدی.
خبری منبعلر گه کوره، اردوغان جنابلری بو سۉزلرنی پاکستان باش وزیری شهبازشریف بیلن آذربایجانده اوچرهشگنیدن کېین بیان قیلگن. تورک عملدارلرینینگ فکریچه، انقره افغانستان و پاکستان اورتهسیدهگی کیلیشماوچیلیکنی حل قیلیش و منطقهده دایمی آتیش کېسین برقرار ایتیلیشی گه زمینه یرهتیش اوچون سعی-حرکت قیلماقده.
بیلیم یورت استادی و خلقارا مناسبتلر تدقیقاتچیسی عبدالناصر شفیق گه کوره، تورکیه پاکستاننی منطقهده امریکانینگ مقصدلری حقیده خبردار قیلیش گه تلاش قیلماقده. اونینگ فکریچه، امریکا یقین شرقدن کېین منطقهدهگی مملکتلر آرهسیده ناتینچلیک تشلش بیلن جنوبی آسیاده حضور تاپیشینی اېستهیدی.
او شوندهی دیېدی: «تورکیه ایکی مملکت اورتهسیده سیاسی مذاکرهلرنی کېنگهیتیریب و کېسکینلیکلرنی یخشی یول بیلن حل قیلیش گه طرفدار، چونکه امریکانینگ مقصدلری بار – منطقهده ینگی انقراض گه سبب بولیب و حتا بو مملکتنینگ قیتیشی گه زمینه یرهتیشی ممکن.»
سیاسی مسئلهلر بوییچه بیلرمان سیداکبر سیالنینگ فکریچه، تورکیه پاکستاننی امریکانینگ منطقهدهگی مقصدلریدن خبردار قیلیشگه حرکت قیلماقده. اونینگ ایتیشیچه: «امریکا یقین شرقدن کېین جنوبی آسیاده هم منطقه دولتلری اورتهسیده کېسکینلیک یرهتیش آرقهلی اۉز موجودلیگینی دوام ایتیرماقچی.»
شو بیلن بیرگه، منطقه بوییچه بیلرمان عبدالصادق حمیدزوی گه کوره: تأثیرلی اسلامی دولتلردن بیری بولگن تورکیه دوام اېتهیاتگن کېسکینلیکلر منطقهده ېنهده کوپراق انقراضلر گه سبب بولیشی ممکنلیگین انگلب توریبدی.»
بو سعی-حرکتلر شوندهی بیر پیتده عملگه آشیریلهیاتگن کی، اسلام امیرلیگی و پاکستان اورتهسیدهگی اوچینچی مذاکره باسقیچی تورکیهنینگ استانبول شهریده نتیجهسیز یکونلندی. اوشبو وضعیت منطقهده ېنه بیر کېسکینلیک یوزه گه کیلیشی بارهسیده خواطرلرنی کوچهیتیرگن.
