اسلام امیرلیگی ساغلیقنی سقلش وزیرلیگی، اوشبو وزیرلیکنینگ ساغلیق خذمتلری بوییچه معینی عبدالولی حقانی باشچیلیگیده بیر هیئت، تورکیه گه جونب کیتگنینی اعلان قیلدی.
ساغلیقنی سقلش وزیرلیگی، بوگون (۵-قوس/۲۶-نومبر، چهارشنبه) بیر بیانیه ترقهتیب، اوشبو هیئت طبیات ساحهسیده همکارلیکلرنی کېنگهیتیریش و تازه تجربهلرنی اورگهنیش مقصدیده تورکیه گه کیتگنینی معلوم قیلگن.
ساغلیقنی سقلش وزیرلیگی هیئتی، تورکیه گه سفری دایرهسیده بو مملکتنینگ دولت رسمیلری و ساغلیقنی سقلش مسئوللری بیلن اوچرهشیب و ساغلیق بوییچه ایکی مملکت اورتهسیدهگی همکارلیکلرنی مستحکملش حقیده بحث اېتیشی کوتیلهدی.
ساغلیقنی سقلش وزیرلیگیگه کوره، بو هیئت تورکیهنینگ ساغلیق و علمی مرکزلرینی یقیندن کوریش، تورکیهنینگ ینگی تجربهلرینی اورگهنیش و طبیات بولیمیده ایکی تامانلمه همکارلیکلرنی مستحکملش مقصدیده سفر قیلگن.
هیئت اعضالری، افغانستاننینگ ساغلیق تیزیمی ترقیاتیگه زمینه یرهتیلیشی اوچون، تورکیهنینگ خصوصی بولیمی مسئوللری بیلن هم اوچرهشهدی.
