اکثریت ولایتلرده عیاللر آنلاین سوداگرلیک و قول صناعتی ایشلریگه یوز کېلتیرگن بولسهده، بیراق بدخشان ولایتی مرکزی فیضآباد شهریده بیر «ایر-خاتین» عیاللر گه مخصوص عکاسخانه آچگن.
بدخشانده عیاللر اوچون آچیلگن عکاسخانه اساسچیلریدن بولمیش شیلا سحر گه کوره، اوشبو ولایتدهگی کوپینچه خاتین-قیزلر جمعیت و فرهنگی چېکلاولر طفیلی ایرکین شکلده عکس آلیش اوچون عکاسخانهلر گه باره آلمسلیگینی کوزهتگچ، عیاللر گه مخصوص عکاسخانهنی آچیش گه قرار قیلگن.
اولرنینگ ایتیشلریچه، نیچه مرته شوندهی عیاللر بیلن دوچ بولگن-اولر حیاتلرینینگ اونیتیلمس لحظهلرینی صورت گه آلدیریشنی اېستهگن، بیراق کمره آرتیده ایرکک بولگنی اوچون بوندهی اېستکدن واز کیچیش گه مجبور بولگنلر.
سحرنینگ ایشانچی گه کوره، کمره آرتیده بیر عیال بارلیگی، عیال مجازلری اوچون تینچلیک و خاطر جمعلیک حسینی بخش اېتهدی.
شیلا سحر سلاموطندار بیلن اۉتکزگن صحبتیده، یالغیز درآمد اوچون عیاللر گه مخصوص عکاسخانه آچیشمهگن، بلکه صنعت و اجتماع ساحهسیده عیاللرنینگ مستقل و فعال حضوری بارلیگی گه نسبتن جمعیت قرهشیده کیچیک اۉزگریش کېلتیریش بولگنینی اېتهدی.
اونینگ کوپهیتیریشیچه: «بو استدیونی آچیشدن اساسی مقصدیمیز عیاللر گه تینچ فضا یرهتیش و صمیمیت ایجاد اېتیش، شونینگدیک اوقیشدن محروم بولیب قالگن عیاللرنی ایش بیلن تأمینلش دیر. ایش بیرینچی کونلریده مالی قیینچیلیکلر بیلن روپهره بولدیک، چونکه شخصی پولیمیز بیلن بو استدیونی آچدیک و هېچ بیر نهاد بیز گه یاردم بیرگنی یوق.»
بیزلرنینگ فیسبوک صحیفهمیزگه باش اورینگ!
«خاطرهها» مخصوص عکاسخانه مسئولی بسمالله محمدی گه کوره، بدخشانده خاتین-قیزلرنینگ صورت گه توشیش ساحهسیده احتیاجلرینی حل قیلیش اوچون بو عکاسخانهنی آچگنلر.
اونینگ کوپهیتیریشیچه، بدخشاندهگی کوپینچه خاتین-قیزلر جمعیت و فرهنگی چېکلاولر طفیلی ایرکین شکلده عکس آلیش اوچون عکاسخانهلر گه باره آلمسلیگینی کوزهتگچ، ایر-خاتین بو استدیونی آچیش گه قرار قیلگن.
اونگه کوره، شو مسئله طفیلی او و تورموش اورتاغی شخصی پوللری بیلن، عیاللر گه مخصوص عکاسخانهنی آچیشگن. «بدخشانده عیاللر گه مخصوص عکاسخانه یوقلیگینی کوردیک و تورموش اورتاغیم بیلن بیرگه بو استدیونی آچیش گه قرار قیلدیک. کمره آرتیده بیر ایرکک بولسه عیال اۉزینی تینچ حس قیلمهیدی، کمره آرتیده عیال بولسه خاتین-قیزلر اۉزلرینی راحت و تینچ حس قیلهدیلر. ایرکک و عیاللر اوچون ایکّی علیحده عکاسخانه آچگنمیز. ایکّی دکانده آچگنیمیز اوچون قریب بیش یوز ۶۰ مینگ افغانی مصرف بولدی بو ییرده قرطاسیه هم بار.»
امکانیت یوقلیگی، یوقاری مصرف و انده-سنده هم اجتماعی باسیملر بیلن، بو یولدن قیتمسلیکلری حقیده ایشانچ بیرهدیلر، اوشبو عکاسخانه اساسچیلری شیلا سحر و میرویس محمدی.
بیزلرنینگ «ایکس» ترماغی ده هم تعقیب قیلینگ!
اولر، بدخشاننینگ تورلی حدودلریده، عیاللر قورقمسدن حیاتلرینینگ اونیتیلمس لحظهلرینی صورت گه آلیش کونی اېتیب کېلیشی گه امیدوارلیک بیلدیریشهدی.
شو بیلن بیرگه، اوشبو عکاسخانه گه عکس آلیش و حجتلرینی کاپی قیلیش اوچون مراجعت قیلگن عیاللردن بعضیلری، بو مکانده تینچلیک حسی بیریلیشینی معلوم قیلهدیلر.
بدخشانلیک جاویده گه کوره، بو عکاسخانه ایجاد بولمسدن آلدین، عایلهسی اونگه کمره آرتیده ایرکک بولگنی اوچون صورت گه توشیش رخصتینی بیرمسدی.
او، خاتین-قیزلر خاطر جمعلیک بیلن حیاتلرینینگ اونیتیلمس لحظهلرینی خاطرهلری گه ثبت قیلیش اوچون تینچ فضا یرهتگن اوشبو عکاسخانه اساسچیلریدن منتدارلیک بیلدیرهدی. «بو ییرده عیال بولگنی اوچون اۉزیمنی تینچ حس قیلهمن. قورقمسدن کېلیب عکس آلالمهمن، چونکه همهمیز عیال میز، بیرقطار و بیر جنسمیز، شونی اوچون بیز عیاللر بو ییرگه قورقمسدن کېله آلهمیز.»
بدخشان یشاوچیلریدن باشقه بیری زهرانینگ ایتیشیچه، حاضرگی شرایطده عیاللر گه مخصوص عکاسخانه آچیلیشی مهم حرکت و ضروری دیر. او بو ایشنی خوش قرشی لهیدی و بوندهی مکانلر آچیلیشی نهفقط عیاللر اوچون ایش و فعالیت امکانیتینی یرهتهدی، بلکه خاتین-قیزلر تینچ و خاطر جمعلیک بیلن صورت گه توشیشلری ممکن دیېدی.
زهرا گه کوره، کمره آرتیده عیال بارلیگی، خاتین-قیزلر گه امنیت و راحتلیک حسینی بیرهدی. «بوندهی مکانده کیرسنگیز حقیقتن هم یخشی حس تاپهمیز، بو ییرده سیز گه مانع بولهدیگن کېمسه یوق، جوده تینچ و یورهکّه تېنگ مکان دیر.»
بدخشان مرکزی فیضآباد شهریده بیرینچی مرته، عیاللر اوچون مخصوص عکاسخانه آچیلیشی، اکثریت خاتین-قیزلر تامانیدن خوش قرشیلنگن.
