بدخشان امنیتی مسووللری نینگ ایتیش‌لریچه، اوشبو ولایت نینگ ارگو تومنیده ولایتی کینگش سابق عضوی و مردمی کوچلر بیر قومندانی آره‌سیده یوز بیرگن آتیشمه نتیجه‌سیده ایکی کیشی هلاک ایتیلگن.
بدخشان پولیس قومندانلیگی سوزلاوچیسی ثناءالله روحانی نینگ ایتیشیچه، اوشبو آتیشمه اوتگن “سه‌شنبه” کونی ارگو تومنی نینگ «دوغلط» منطقه‌سیده بدخشان ولایتی کینگش سابق عضوی «مصور» و مردمی کوچلر قومندانی «حزب‌الله» آره‌سیده صورت تاپگن.
بدخشان پولیس قومندانلیگی سوزلاوچیسی نینگ ایتیشیچه، هلاک ایتیلگن‌لردن بیری مردمی کوچلر عضوی و باشقه بیری ایسه مصور گه تیگیشلی ناقانونی قوراللی کیشی دیر.
جناب روحانی نینگ کوپه‌یتیریشیچه، اوشبو آتیشمه شخصی انگیزه‌لر آرقه‌‌لی صورت تاپگن و حاضرده توخته‌تیلگن.
