بلخ ولایتی مهاجرلر و قیتگنلر ریاستی مسئوللری، مملکت گه قیتگن بیر مینگ عایله گه آزیق-آوقت یاردم کورسهتیلگنینی معلوم قیلهدیلر.
بلخ مهاجرلر و قیتگنلر ریاستی باشلیغی اسدالله وفا گه کوره، اوشبو یاردملر بوگون (۶-سنبله، پنجشنبه) انسان سیورلیک بیر موسسه تامانیدن قیتگنلر گه توزیع قیلینگن.
وفا جنابلری، بو عایلهلر ایران و پاکستاندن قیتگن و انسان سیورلیک یاردملر گه محتاج اېکنلرینی بیلدیرگن.
اوشبو یاردملر اون، یاغ و برنج بولگنی اېتیلگن.
انسان سیورلیک جمغرمه مسئولی خیرالدین مایلنینگ ایتیشیچه، مملکت گه قیتگنلرگه ایش امکانیتینی یرهتیش و انسان سیورلیک یاردملرینی دوام بیریش اوچون سعی-حرکت قیلماقده.
اوشبو ییلده، ایران و پاکستاندن یوزلرچه افغانستانلیک مهاجر جبری یاکه اۉز ایستهگی بیلن مملکت گه قیتگن. بیرلشگن ملتلر تشکیلاتی افغانستان کوپ سانده مهاجرلرنی قبول قیله آلمسلیگی حقیده آگاهلنتیرگن بیرحالده بو جریان دوام اېتماقده.
