قندهار ده محلی مسئوللر نینگ ایتیش‌لریچه، یولاوچی تاشووچی بیر بس نینگ چپه بولگنی نتیجه‌سیده، ۶ کیشی اولیب و ۱۸ کیشی ایسه یره‌لنگن. اوشبو واقعه، بوگون ایرتنگ چاغی (پنج‌شنبه، ۷-ثور)، کابل-قندهار قتناو یولیده یوز بیرگن.
قندهار حاکمی سوزلاوچیسی عطاءالله زید نینگ سلام‌وطندار گه ایتیشیچه، کابل تامان حرکت قیلگن مذکور یولاوچی تاشووچی بس، اوشبو ولایت نینگ دامان تومنی حدود‌لریده چپه بولگن.
بیزلرنینگ توییترده هم تعقیب قیلینگ!
قندهار حاکمی سوزلاوچیسی نینگ کوپه‌یتیریشیچه، یره‌دارلردن ایکی ته‌سی نینگ وضعیتی خواطرلی دیر.
عین حالده، گزارش‌لر اساسیده، اوتگن کون هم بلخ ده یوز بیرگن ترافیکی بیر حادثه نتیجه‌سیده، ۱۱ کیشی اولیب و ۹ کیشی یره‌لنگن ایدی.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، سونگی کون‌لر اینیقسه هییت کون‌لری‌ده ولایت‌لردن قطاری‌ده ترافیکی حادثه‌لر کوپه‌یب و اولر نینگ نتیجه‌سیده، یشاوچیلردن قطاری اولیب و یره‌لنگن.
مسئوللری اوشبو حادثه‌لر سببی نی، هیداوچیلر نینگ دقت‌سیزلیگی، یول‌لر نینگ بوزیقلیگی و ترافیکی قانون-قاعده‌لر خصوصیده هیداوچیلر نینگ معلومات‌سیزلیگی عنوان قیلگنلر.